YOSUA 6:18 - Alkitab Singog In Mongondow Masa In Tanaa

¹⁸ Diábí in motaau mogamá kon onuka inta musti payongon. Aka mogamá in moiko kon tua, dá pinononḷoḷaigan in Israel koantugan in bodito.

YOSUA 6:18 Referans Kwoze

YOHANES 1 5:21

Adíku mita, mokopoyayúdon in moiko kon berhala mita!

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

YOSUA 7:25

Bo ki Yosua noguman kon i Akhan, “Nongonu sin iko in nopoangoibí in roriga kon inaton? Tanaa ki Tuhan mopoangoidon in roriga kon inimu!” Dá ki Akhan takin mosia motoḷuadínea inarabdon in bayongan umat in Israel in batu nodapot in minatoi. Komintan kapunyaannea, bo barang mita inta sinakownea nodaitdon sinubá nodapot in nopayong komintan.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

YAKOBUS 1:27

Podudui ibog i Allah, ibada inta moitutui in motuḷungbí kon adí mita inta uno-unondon bo kon i monia inta dongkadon boba-bobay inta nobiag moyoyiga, poḷat doman moḷukad kon awak tontaní sinbá diá poguyaaton in dunia naa.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

YUNUS 1:12

Tubag i Yunus, “Pogonagdon in akuoi kon dagat, yo mogogaibí in deḷang. Sin kinotaauankudon in tanaa, kon akuoibí in nokopopisí kon i monimu dinumpak in deḷang inta motoyang tanaa.”

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

SAMUEL 2 21:1

Kon tungkuḷ in ki Daud nomarenta, nobaḻídon in malarat moḷoben inta nobaḻí kon bonu in toḷu notaong nouput. Bo nopoigum in ki Daud in topotundú kon i Tuhan soaḷ tatua, bo ki Tuhan in noguman, “Malarat tatua in popisíbí in taḷá i Saul bo motoḷuadínea, mosia in noḻimodon kon intau mita in Gibeon.”

ULANGAN 7:26

Dika motagú kon patong berhala kon bonu in baḷoimu, sinbá kutuk inta noiuma kon inia diá moiuma kon inimu doman. Tua mita in musti kodoí bo anggap diá in mangaḻenea, sin kinutuk i Tuhan.”

YOSUA 7:15

Bo ki ine inta noniatadon kon ain notagú kon barang inta ilarang tatua dá mustidon tubáan kopayongon moyotakin in motoḷuadínea bo bayongan kapunyaannea; sin siadon tuata inta iḻimimpat kon dodandian bo nomiadon kon moraat moḷoben kon yua-yuak in umat in Israel.”

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

ULANGAN 23:10

Aka intau tobatú mobaḻí monajis sin iḷuaian buḻe kon dodai in sia nosiug, sia in mustibí monaḷámai kon pinonḷoḷaigan bo mayá in ḷuai.