YOSUA 6:15 - Alkitab Singog In Mongondow Masa In Tanaa

¹⁵ Kon singgai noginpitu mosia nobangon doḷo-doḷom kon dodai in mata in singgai bagu nomuká, bo nopipid noḻibu kopitu kon kotá in Yerikho tatua ná biasamai. Tongá kon singgai noginpitu tatua, mosia noḻibu dapot in kopitu.

YOSUA 6:15 Referans Kwoze

MAZMUR 119:147

Doḷo-doḷom mobangon in akuoi bo mokuani mokituḷung; akuoi in mogoḷat mako kon dandi-Mu.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

MATIUS 28:1

Naonda in singgai in Sabat noitaḻibdon, subupa totok kon singgai dungkuḷ Diminggu tatua, ki Maria Magdalena bo ki Maria ibanea minayá in poḷoḷobongan tatua noindoi.

IBRANI 11:30

Popisí in nopirisaya, dá norumbunbí doman in intau Israel in dinding Yerikho wakutu in iḻibu monia pitu nosinggai.

YOSUA 6:14

Kon singgai nogindua mosia in noḻibudon bui kon kotá tatua komintan bodongka nobui kon pinononḷoḷaigan. Natuata in inaidan monia kon bonu in onom nosinggai.

YOSUA 6:16

Naonda in noginpitu noḻibu, naonda in imang mita nogirup kon torompet monia, ki Yosua nobogoi in parenta kon bayongan in tontara sinbá morogiowdon totok. Ki Yosua noguman, “Ki Tuhan ain nobogoi in kotá tanaa kon inimu!

YOSUA 3:1

Nopoikoḷomai kon singgai, ki Yosua bo bayongan umat in Israel nobangon subupa totok, bo nonaḷámai kon pinononḷoḷaigan monia kon Sitim, bo minayá in Ongkag in Yordan. Kon tua in mosia nononḷoḷaigan sin mogoḷat kon wakutu monia ḷumoḷan.