YOSUA 4:24 - Alkitab Singog In Mongondow Masa In Tanaa

²⁴ sinbá bayongan in intau kon dunia monotaaudon kon nádomai tua in koḷoḷoben in kawasa i Tuhan. Bo bá moiko in umuran mohoromat kon i Tuhan Allahmu dapot in kopaḷutannea.”

YOSUA 4:24 Referans Kwoze

MAZMUR 106:8

Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.

TAWARIKH 1 29:12

Bayongan in kaoyúonan bo kobiagan motompia nongkon ini-Mubí komintan; bayongan in yagi-yagi in kon bonubí in kawasa-Mu inta moropot tua; Ikobí in kitogi kawasa mopobaḻí kon inekabí in mobaḻí intau moḷoben bo moropot.

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

IḶUAIAN 14:31

Kon tungkuḷ in intau Israel nokoontong kon naonda in ki Tuhan inta takin kawasa-Nea inta moḷoben nonaḷow kon intau in mesir, totok noherang in mosia dá nopirisayadon kon i-Nia bo kon i Musa, ata-Nea tatua.

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

DATU MITA 2 5:15

Bo Nobuidon minayá in sia takin tumotakinnea kon i Elisa. “Tanaa in kinotaauankudon,” guman i Naaman kon i Elisa, “kon sinangkup in dunia tongábí tobatú in Allah, tuata in Allah inta sinumba in intau in Israel. Tuamai, in poigumonku bá moibogpa in ki Tuang motarima kon onu in ogoiku.”

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,

IḶUAIAN 20:20

Tubag i Musa, “Dika moondok. Ki Allah in mamangoi tongábí monungkuḷ kon i monimu sinbá moiko in umuran motoindudui kon i-Nia, bo diá mogaid kon dosa.”

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

ULANGAN 28:10

Dá ontongondon in bayongan bangusa kon dunia kon moiko nion in bangusa inta piniḻí i Tuhan, bo mosia in mobangkaḷbí kon i monimu.

DATU MITA IMITÁNEA 8:60

Pongin natua dá bayongan in bangusa kon dunia in monotaaudon kon tongábí ki Tuhan tontaní in Allah, diábí in ibanea mako.

DATU MITA IMITÁNEA 8:40

sinbá umat-Mu in umuran motoindudui kon ini-Mu kon bonu in mosia mogutun kon butá inta inogoi-Mu kon mogoguyang nami.

AYUB 40:9

Moropot degá in iko ná Akuoi? Degá mokogonugur in singogmu ná singog-Ku?

YESAYA 52:10

Ki Tuhan in nopoontong in kawasa-Nea kon tayowon in mata in bayongan intau. Dá bayongan butá in mokoontongdon kon kasaḷamatan nongkon i Allah naton.