YOSUA 3:5 - Alkitab Singog In Mongondow Masa In Tanaa

⁵ Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”

YOSUA 3:5 Referans Kwoze

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

IMAMAT 20:7

Ḷukadai sinbá moiko umuran motusi, sin Akuoi in ki Tuhan Allahmu.

YOËL 2:16

Sipundon in bayongan in rayat, pokiposipunai in umat. Potabádon mangoi in guyanga mita, mongoadí mita bo adí mita mointok. Nodapot in inta bagu notonibuḷoi in mustibí doman mamangoi. Potabádon in mosia monaḷámaidon kon gopot monia.

SAMUEL 1 16:5

Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

MAZMUR 86:10

Sin Iko in motorindog bo nogaid kon inta mokoherang mita, tongábí Iko in Allah.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

YOSUA 3:13

Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

PINOGIAPAN 11:8

Kon dodai in doḷom manna tatua moḷabú moyotakin in oḷú kon tampat inta pinononḷoḷaigan. Doḷo-doḷom intau mayá magí mako sin mosipun kon manna tatua, bo mogiḻing andeka mododok baḻíon topong, bo pomiaan monia kukis moḻimbung inta nonipit. Nanamnea naonda bo kukis inta inangag takin ḷana in zaitun.

YOSUA 3:4

táe dika totok in dimiug kon Poti tatua, dudui nongkon tuminea tongá sigad monimu dapot in Poti tatua in tongo kilodon in koyayúnea. Dá kotaauandon monimu in daḷan inta bayáan monimu, sin moiko in diápa dodai in onda minayá in butá tanaa.”

YOSUA 3:6

Bo ki Yosua nomarenta kon imang mita mobuat kon Poti Dodandian tatua bo minayá inumuna kon umat in Israel. Bo inaidandon monia onu inta pinoguman i Yosua.

MAZMUR 77:15

Ikobí in ki Allah inta nomia kon inta mokoherang, kawasa-Mu ain pinoniata-Mu kon yuak in bangusa mita.