YOSUA 3:13 - Alkitab Singog In Mongondow Masa In Tanaa

¹³ Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

YOSUA 3:13 Referans Kwoze

IḶUAIAN 15:8

Dagat inirup-Mu, naonda bo pompang, nodapot in dagat motaaudon bayáan.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

HABAKUK 3:15

Takin kabaḷo-Mu iritakan-Mu in baḷangon bo dagat inta nobudó in nonomburá.

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

YOSUA 4:7

dá moiko in musti moguman kon i monia kon tubig in Ongkag in Yordan nobontow kon dodai in Poti Dodandian i Tuhan dinia iḷumoḷan kon ongkag tatua. Batu mita tatua umuran moponorop kon bangusa Israel kon onu inta nobaḻí kon naa.”

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”