YOSUA 24:2 - Alkitab Singog In Mongondow Masa In Tanaa

² Onda intua ki Yosua noguman kon i monia komintan, “Indongogaipa onu inta pinoguman i Tuhan, Allah Israel kon inimu, ‘Tungkuḷ intua mogoguyangmu nogutun kon ḷoḷan in Ongkag in Eprat, bo nosumba kon dewa mita. Tobatú kon sigad monia tua tangoinea in ki Terah, ki amá i Abraham bo i Nahor.

YOSUA 24:2 Referans Kwoze

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

KINOBAḺIAN 31:30

Kinotaauankubí kon iko nobuat tatua popisí in iko moibogdon totok mobui. Nongonu sin iko nonakowbí kon patong moḷoḷukad kon i motoḷuadíku?”

YEHEZKIEL 16:3

Ki Tuhan Inta Totok in moḷantud nopotabá kon inakó mopotaau in koyow tanaa kon Yerusalem, “Ei Yerusalem, iko in pinononggadí kon butá in Kanaan. Ki amámu intau in Amori bo ki inámu intau in Het.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

ULANGAN 26:5

Onda intua kon tayowon i Tuhan Allahmu, musti in iko mopoyaput in tosingogon mita tanaa: ‘O Tuhan, mogoguyangku naa intau in Aram inta nodondaḷoi. Sia nodia kon koluarganea minayá in Mesir bo nogutun kon tua nobaḻí mokokiangoi. Kon tungkuḷ in minayá intua mosia tongá topiḻik, táe mosia in nobaḻí bangusa inta moḷoben bo moropot.

KINOBAḺIAN 35:4

Bo mosia in noposarakandon kon i Yakub in bayongan patong dewa ibanea mako inta kodia-dia monia bo nganti-nganting doman monia. Komintan barang mita tatua nodait iḷobong i Yakub kon siungon in pangkoi kayu moḷoben kon diug in kotá in Sikhem.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

KINOBAḺIAN 31:32

Soaḷ patong tatua, aka mouḻímu in tobatú intau kon naa inta ain nonakow yo intau tatua hukumon matoi. Tayakdon, mongo oyúon in kapunyaanmu kon naa. Aka oyúon, yo gamádon. Bo intau mita naton in mobaḻí sakusi.” Diábí kinotaauan i Yakub kon ki Rahelbí tua in nonakow kon patong tatua.

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 11:26

Naonda in ki Terah umur pitu nopuḷú notaong, sia in nokouḻí kon adí ḷoḷaki taya toḷu: ki Abram, ki Nahor bo ki Haran.

LUKAS 3:34

inta ki adí i Yakub, ki adí i Ishak, ki adí i Abraham, inta ki adí i Terah, ki adí i Nahor,

KINOBAḺIAN 11:24

Kon tungkuḷ in ki Nahor umur doyowa nopuḷú bo siow notaong, sia nokouḻí kon adí ḷoḷaki, tangoinea in ki Terah.

KINOBAḺIAN 11:27

Naadon buí i Terah: Ki Terah ki amá i Abram, i Nahor bo i Haran. Ki Haran in kogadí kon adí ḷoḷaki, tangoinea in ki Lot.

KINOBAḺIAN 11:22

Kon tungkuḷ in ki Serug umur toḷu nopuḷú notaong, sia in nokouḻí kon adí ḷoḷaki, tangoinea in ki Nahor.