YOSUA 24:14 - Alkitab Singog In Mongondow Masa In Tanaa

¹⁴ “Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.

YOSUA 24:14 Referans Kwoze

SAMUEL 1 12:24

Horomatdon in ki Tuhan bo pogundoidon kon i-Nia takin satia takin ḻimbatú in ginamu. Toropdon in aid-Nea mita inta moḷoben inta ain inaidan-Nea kon inimu.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

YOSUA 24:23

“Aka natua, yo ḷumbúdon in ilah mita in bangusa ibanea inta nion kon inimu,” guman i Yosua, “bo podandidon kon moiko in mosatiabí kon i Tuhan, Allah in Israel.”

MAZMUR 119:1

Pia in kamang in intau inta nobiag diá in bogit bo notoindudui kon hukum mita i Tuhan.

YEHEZKIEL 20:18

Noyoḻiudon kon tua tayowmobiag mita kon sigad monia, sinongginaan-Ku nanaa, ‘Dika dumudui kon atorang mita inta pinomia in mogoguyangmu. Dika dumayan kon kabiasaan monia bo dika doman moponajis in awakmu pongin mosumba kon berhala mita monia.

MAZMUR 111:10

Ki ine in moibog mobijaksana musti mohoromat kon i Tuhan, Sia in nobogoi in pomomangaḻe kon bayongan in intau inta motoḷutui. Dinayo-dayowdon in ki Tuhan dapot in mononoi!

AYUB 28:28

Ki Allah in noguman kon intau, “Sinbá mokouḻí kon hikmat, ki Allah in musti horomaton monimu. Sinbá momangaḻe, inta moraat musti poyayúon monimu.”

EZRA 9:11

inta inogoi-Mu kon inami pinongin nabi, mogogundoi-Mu mita. Mosia in nopotaau kon inami kon butá inta bain pogutunan nami in diá nodarit popisí in bayongan intau inta nogutun kon tua nongkon popod tobatú nodapot in popod ibanea in nogaidon kon inta mokotor bo inta moraat.

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

YOSUA 24:2

Onda intua ki Yosua noguman kon i monia komintan, “Indongogaipa onu inta pinoguman i Tuhan, Allah Israel kon inimu, ‘Tungkuḷ intua mogoguyangmu nogutun kon ḷoḷan in Ongkag in Eprat, bo nosumba kon dewa mita. Tobatú kon sigad monia tua tangoinea in ki Terah, ki amá i Abraham bo i Nahor.

ULANGAN 18:13

Dá pogundoidon in moiko kon i Tuhan Allahmu takin ḻimbatú in ginamu.”

IMAMAT 17:7

Bangusa Israel musti tantú motoindudui kon i Tuhan bo diábí motaau mokoimontanmai moratá kon mahaḷuk kon gobá mita sin ogoi posumba kon dimukud mita moraat. Atorang tanaa musti umuran duduian modapot kon adí bo ompu.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

YEHEZKIEL 23:3

Kon dodai in noguodpa, nogutun in mosia kon Mesir. Kon tua mosia nosiugdon takin ḷoḷaki, bo nobaḻídon sundaḷ.

PILIPI 1:10

Sahingga in kotaauandon monimu in momiḻí kon onu inta totok in mopia, bo kobobiagmu in diádon singkuḻeon ande poponapudan in onuka kon singgai ki Kristus moiangoidon bui.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

MAZMUR 130:4

Táe Iko in moibog mongampung, sinbá intau in mobaḻí motoguondok.

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”

SAMUEL 1 12:14

Mosanangdon totok in moiko aka mohoromat kon i Tuhan, bo mogundoi kon i-Nia, bo mokidongog poḷat dumudui kon parenta-Nea, apa doman aka moiko bo datumu tua in umuran mosatia kon i Tuhan Allahmu.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.