YOSUA 24:13 - Alkitab Singog In Mongondow Masa In Tanaa

¹³ Butá inta inogoi-Ku kon inimu, sinarima monimu intua takin diá irorigaanmai. Bo kotá mita inta inogoi-Ku kon inimu deemanbí moiko in noposindog intua. Táe tanaa moikodon in nogutun kon tua, bo moiko domandon in notarima kon bungai in anggur takin bungai in zaitunnea, bokaka deemanbí moiko in nopomuḷa.’ ”

YOSUA 24:13 Referans Kwoze

ULANGAN 8:7

Ki Tuhan Allahmu nodia kon i monimu pinobayá in butá inta mopia; butá inta mobayong in ongkag bo bokakánea, bo danow inta mointampurang monag kon ḷopá bo kon buḷud mita.

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

YOSUA 21:45

Ki Tuhan noponotuu kon bayongan onu inta pinodandi-Nea kon umat in Israel; diábí tobatúmai in diá inintompodan-Nea.

YOSUA 11:13

Táe kotá mita inta pinosindog kon tudu in buḷud mita inta ain irimumud, diábí in tobatúmai in sinurub intau in Israel, koḻikudbí in Hazor inta sinurub i Yosua tontaní.

IḶUAIAN 6:8

Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.

ULANGAN 19:1

“Naonda in bangusa mita tatua iyopú i Tuhan Allahmu bo butánea inogoi kon inimu, bo naonda in ginamá monimu in kotá mita bo baḷoi mita monia bo nogutun kon tua,