YOSUA 23:5 - Alkitab Singog In Mongondow Masa In Tanaa

⁵ Ki Tuhan, Allahmu in mopoguntun bo monaḷow kon bangusa mita tatua, bo moḷagui in mosia kon i monimu aka moiko mayá monubu kon i monia. Mouḻí bidon monimu in butá monia, ná inta ain pinodandi i Tuhan Allahmu kon inimu.

YOSUA 23:5 Referans Kwoze

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.

ULANGAN 11:23

Dá ki Tuhan in mopoguntunbí kon bayongan in bangusa tatua nongkon tayowonmu, bo moiko in mogutundon kon butá kapunyaan in bangusa mita inta moḷobe-ḷoben bo inta moropo-ropot nongkon inimu.

IḶUAIAN 34:11

Duduiaidon in hukum mita inta inogoi-Ku kon inimu singgai naa. Akuoi in moguntundon kon bangusa Amori, Kanaan, Het, Peris, Hewi bo Yebus kon dodai in moiko mayá moparang.

IḶUAIAN 33:2

Potabá-Kudon mangoi in malaekat tobatú sin modia kon i monimu. Untunon-Kubí in bangusa Kanaan, Amori, Het, Peris, Hewi bo Yebus.

IḶUAIAN 23:20

“Akuoi in mopotabá kon malaekat-Ku umuna kon i monimu sin moḷukad kon i monimu kon bonu in binayáan bo modia kon i monimu mayá in tampat inta sinadia-Ku.

HAKIM MITA 2:21

Tanaa in doí bidon in Akuoi mopoguntun in bangusakabí táonda inta oyúonpa kon butá in tanaa naonda in ki Yosua minatoi.