YOSUA 23:10 - Alkitab Singog In Mongondow Masa In Tanaa

¹⁰ Intau tobatú nongkon sigad monimu mokotaḷowbí kon ribuan in intau, sin ki Tuhan Allahmubí in moparang kon kopiaan monimu, ná inta ain pinodandi-Nea.

YOSUA 23:10 Referans Kwoze

ULANGAN 32:30

Naonda in intau tobatú mogaḷow kon intau toribu, bo intau doyowa mokopoguntun kon intau mopuḷú noribu modapot in moḷagui? Ki Tuhan, Allah monia, nopotaḷuidon kon i monia; mosia in sinaḷáandon i Allah inta moroton totok.

IMAMAT 26:8

intau ḻima nongkon imonimu mokotaḷowbí kon intau mogatut, bo aka intau mogatut monimu yo mokotaḷowdon kon intau mopuḷú noribu.

ULANGAN 3:22

Dika moondok kon i monia, sin ki Tuhan Allahmu in motuḷungbí kon inimu.”

IḶUAIAN 14:14

Ki Tuhan in moposaḷamatbí kon i monimu, bo moiko in dika bidon mogaid kon onu bo onu.”

MAZMUR 35:1

Mazmur i Daud. Tuhan, tayowaidon in intau inta monayow kon inakó, parangdon in intau inta momarang kon inakó.

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

MAZMUR 46:7

Ki Allah in nonggotup, dá dunia in norimumudon totok; bangusa mita in modoḻiok, dodatuan mita noobat.

YOSUA 23:3

Moiko in ain nokoontong kon bayongan inta inaidan i Tuhan Allahmu kon bayongan bangusa kon naa sin kopiaan monimu. Inta noparang noyotakin monimu in ki Tuhan Allahmubí tontaní.

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”

YOSUA 10:42

Tongá komintan noparang, ki Yosua nokotaḷowdon kon bayongan in datu tatua bo nogagow kon bayongan butá inta kon bonu in kawasa monia, sin ki Tuhan, Allah Israel, noparang noyotakin in Israel.

HAKIM MITA 15:15

Onda intua nokouḻí in sia kon tuḷan ayoi in keledai inta nobagupa. Pinuyutnea in tuḷan tatua, bo pinakénea noḻimod kon intau 1.000 in kobayongnea.

SAMUEL 2 23:8

Naa in tangoi in tontara mita i Daud inta ponango-nangoian: Inta muna in ki Ishbaal, intau in Hakhmoni, itoi in “Paanan Toḷu”. (Triwira). Nokoimontandon kon pinoparangan sia nonaḷow kon 800 in intau bo noḻimod kon i monia komintan takin nomaké in pandongnea.

HAKIM MITA 3:31

Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

ULANGAN 20:3

‘Utat mita, indongogai! Singgai in naa moiko mayá moparang. Dika moondok ande kimiot in gina ande motoboḻingo.

ULANGAN 28:7

Aka moiko tubuon, ki Tuhan in monaḷow kon musungmu. Motompia in pononubú monia, táe moḷaguibí posibayá.

ULANGAN 32:20

Guman-Nea, ‘Akuoi in doí bidon motuḷung kon i monia bui; umpakabí indoian-Kudon mako in kororiga monia. Sin bangusa tatua motontogat in gina bo beresibí diá motoindudui.

YOSUA 23:11

Tuamai, in toropbí in motabi kon i Tuhan Allahmu.

YESAYA 30:17

Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

IMAMAT 26:7

Moiko mokomampubí in monaḷow kon musungmu mita;

TAWARIKH 1 5:20

Tontara mita tatua in mopirisaya kon i Allah bo nopoigum in totuḷung kon i-Nia, dá dinuduian i Allah in oigum monia tatua bo pinountung-Nea in mosia nongkon intau mita in Higri tatua bo yobayat mita monia.