YOSUA 22:15 - Alkitab Singog In Mongondow Masa In Tanaa

¹⁵ Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

YOSUA 22:15 Referans Kwoze

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

MATIUS 18:17

Aka sia bo doípa doman mokidongog kon tonggina monia tatua, yo poyaputdon intua komintan kon jamaat. Bo anggapdon in sia naonda bo intau inta diá nonotaau kon i Allah andeka naonda bo intau inta mononagi kon pajak.”

YESAYA 63:10

Táe mosia in nomarontak bo nokoajar kon gina i Tuhan. Dá nomurow in Sia bo nobaḻí musung monia Sia tontaní in noparang noḷawang kon i monia.

MAZMUR 78:8

sinbá mosia diá naonda bo mogoguyang monia inta moibog momarontak bo monaḷámai; bui inta noḻiai in pirisayanea, bo diá motoḷutui kon i Allah.

EZRA 9:15

Tuhan, Allah in Israel Iko in moadil, umpaka natua pinomayá-Mubí mako in kami in nobiag. Kami in mongaku kon taḷá nami kon ini-Mu; diádon in kami mokobaḻí in tumayow kon ini-Mu.”

EZRA 9:2

Intau ḷoḷaki in Yahudi notonibuḷoidon in bobay in bangusa ibanea, dá umat inta sinondídon kon i Tuhan in diádon notapis. Nodapotbí inta muna-munamai nomia kon natua in intaubí mita inta sinon itoi bo pojabat in Israel.

TAWARIKH 2 28:13

Mosia in noguman, “Dika diaan in intau mita inta dinakop tatua kon naa! Kita in binaradosadon kon i Tuhan, bo dosa mita naton in totuudon moḷoben sin hukumon. Tanaa in moiko mogaid kon tobatú aid inta tongá mokodugang kon taḷá naton.”

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

TAWARIKH 2 10:19

Pinangkoi kon tua rayat kon dotá in utuan dodatuan in Israel tantú momarontak kon datu mita buí i Daud.

TAWARIKH 1 21:3

Tubag i Yoab, “Igumon mako guntuḷondon i Tuhan in rayat in Israel moidapot in kogatut in ná kobayong monia tanaa. Inta Momulia, noniata bidon kon mosia tua in notogu ondok bidon kon i Tuang Datu! Dá nongonu sin mustipabí iyapon? Dika-dika, tongá popisí in taḷá tatua, bayongan in bangusa mobaba kon bungainea!”

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

YOSUA 22:18

Bo tanaa, degá moibogdon bui in moiko monoḻikud kon i Tuhan? Aka singgai naa moiko moibog moḷawang kon i Tuhan, yo ikoḷom in Sia tumorúdon kon bayongan umat in Israel.

ULANGAN 30:17

Táe aka moiko bo diá motoindudui bo doí doman mokidongog, bo mopomayá doman mako in awakmu poḷaḻeon sin mosumba kon ilah mita ibanea,

ULANGAN 7:4

sinbá mosia diá mopoyayú kon i adí mita monimu nongkon i Tuhan sin mayá mosumba kon ilah mita ibanea. Aka moiko mosumba kon ilah mita ibanea, ki Tuhan tumorú bo moiko in baḷú-Neadon yopúon.

PINOGIAPAN 32:15

Aka moiko monoḻikud kon i Tuhan, dá bayongan bangusa tanaa in pomayá-Neadon mako modugang moonggot kon padang gurun, bo moikodon in mokopopisí kon koyopúan monia!”

PINOGIAPAN 14:43

Kon dodai in moiko moyogintayow in intau in Amalek bo intau in Kanaan tatua, matoi in moiko kon parang tatua. Ki Tuhan in diábí tumakin kon i monimu sin moiko diá motoindudui kon i-Nia.”

PINOGIAPAN 5:6

in atorang mita tanaa kon intau Israel: Aka intau tobatú diá motoindudui kon i Tuhan, poḷat mogaid kon inta moitaḷá kon intau ibanea,

IMAMAT 26:40

Táe buímu in mongakubí kon dosa monia bo dosa in mogoguyang monia inta ain noḷawang kon i-Nakó bo ain nomarontak kon i-Nakó,

IMAMAT 5:19

Tuata in kuruban toḻiu in karugian potobut kon taḷá inta ain inaidannea kon i Tuhan.

IḶUAIAN 32:8

Mosia ain sinumabat kon parenta-Ku mita. Mosia nomiadon kon patong sapi nongkon buḷawan, bo sinumba monia poḷat inogoian monia in kuruban. Mosia ain noguman kon tuata in ilah monia inta nodia kon i monia iḷumuai nongkon Mesir.

YOSUA 22:14

Noyotakin i Pinehas minayá doman in mopuḷú in guhanga mita in ḻipú in bangusa Israel, – tumongo batu in kon tongo suku kon dotá in toyopan kon Ongkag in Yordan, mosia tua in tongguḷu in motoḷuadí kon bonu inanakan monia.

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!