YOSUA 2:17 - Alkitab Singog In Mongondow Masa In Tanaa

¹⁷ Toimata doyowa tatua noguman kon i Rahab, “Mopia, totuuonbí nami in dandi inta ain pinoigummu kon inami.

YOSUA 2:17 Referans Kwoze

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

PINOGIAPAN 30:2

Aka ḷoḷaki tobatú modandi takin mongibot kon i Tuhan, dá sia in sinumogotdon kon tobatú dandi, sia in musti mogaid kon onu inta ain pinodandinea tatua, bo diábí motaau in monginggamá kon onu inta ain siningognea.

YOSUA 2:20

Tongá ḻimbannea mako kon tua, aka potaaumu in kami kon intau ibanea, dá kami in diá bidon noitogot kon dandi inta pinoigummu kon inami.”

IḶUAIAN 20:7

Dika morotag kon tangoi-Ku, sin Akuoi, ki Tuhan Allahmu, in mohukumbí kon i ineka inta mopomia ibo-ibog kon tangoi-Ku.

YOSUA 2:18

Tongá naa in musti aidanmu. Aka kami bo monubudon kon butámu tanaa, yo popotogotdon in tontogot nopura tanaa kon jandela inta pinonuntunanmu kon inami tanaa. Ki amá bo ki inámu, ki utatmu mita bo bayongan in ginaḷum i amámu sipunmudon kon baḷoimu tanaa.