YOSUA 19:46 - Alkitab Singog In Mongondow Masa In Tanaa

⁴⁶ Me-Yarkon, Rakon, bo butá doman kon diug in Yope.

YOSUA 19:46 Referans Kwoze

OUMAN IN RASUL MITA 10:8

Naonda in inoumannea kon bobantungnea mita tatua onu inta bagu nobaḻí kon inia tua, pinotabáneadon in mosia minayá in Yope.

OUMAN IN RASUL MITA 9:43

Nopaḷut mako kon tua ki Petrus in nogutunpa tongonumai nosinggai kon Yope kon baḷoi i Simon, intau inta mororubus kon kuḻit.

OUMAN IN RASUL MITA 9:36

Kon ḻipú tatua oyúon doman in bobay, tangoinea in ki Tabita. Sia in tobatú intau inta mopirisaya kon i Yesus. (Aka kon Yunani, ki Dorkas in tangoinea.) Sia in umuran mogaid kon inta mopia bo umuran moibog motuḷung kon intau mita inta nobiag nobogá.

YUNUS 1:3

Táe ki Yunus in tongábí minayá in kotá ibanea sin yumayú kon i Tuhan. Sia in minayá in Yope, noikoḷatbí nokouḻí kon kapaḷ inta mopobayá in Spanyol. Naonda in noguboḻi mako kon tondan in takoiannea, sinumakoidon in sia kon kapaḷ, bo dongka iḷumeag noyotakin in intau mita in kapaḷ nopobayá in Spanyol, sin yumayú kon i Tuhan.

TAWARIKH 2 2:16

Kami in momupuḷbí kon kayu ḷokuyú nongkon buḷud in Libanon ná kobayong inta paraḷuon i Tuang, bo togoton tonggakiton, bo iḻigon pongin dagat modapot in Yope. Nongkon tua motaaudon akuton i Tuang diaan mayá in Yerusalem.”

OUMAN IN RASUL MITA 9:38

Lantaran ḻipú in Lida nodiug kon Yope, dá naonda in intau mita inta mopirisaya kon i Yesus nokodongog kon ki Petrus in oyúon kon tua, binayá monia bo pinoki oiní kon intau doyowa takin koyow nanaa, “Ḷagipa angoi in naa.”

OUMAN IN RASUL MITA 9:42

Onu inta ain nobaḻí tatua, noisiardon kon bayongan in ḻipú kon Yope. Dá nobayongdon intau in nopirisaya kon i Tuhan Yesus.

YOSUA 19:45

Yehud, Beneberak, Gat-Rimon,

YOSUA 19:47

Intau mita in suku Dan ain kinobuḻian in tongosilai nongkon butá monia, dá mosia in minayá kon Lesem bo nonubu kon kotá tatua. Mosia nokoagow, bo noḻimod kon intau mita inta nogutun kon tua, bo iḻitúan monia in kotá tatua. Dá nogutundon in mosia kon tua bo binaḷuaian monia in tangoi in kotá Lesem tatua nobaḻí kotá Dan, podudui in tangoi in mogoguyang monia.

TAWARIKH 2 2:15

Kami in mogoḷat mako kon gandum doyowa norupa, anggur bo ḷana zaitun inta pinodandi i Tuang pokidia mangoi tua.