YOSUA 19:29 - Alkitab Singog In Mongondow Masa In Tanaa

²⁹ Nongkon tua botok in sigad tatua nomurow ná Rama nomoḷat nodapot kon kotá in Tirus, tobatú kotá inta oyúon in benteng; onda intua botok sigad tatua nomurow bui ná Hosa bo nopaḷuput kon Dagat Toyuak. Kon sigad mita tatua noibonu in Mahalab, Akhzib,

YOSUA 19:29 Referans Kwoze

HAKIM MITA 1:31

Intau mita inta nogutun kon kotá in Ako, Sidon, Ahlab, Akhzib, Helba, Apek, bo Rehob in diábí doman pinoguntun in suku Asyer.

SAMUEL 2 5:11

Ki Datu Hiram nongkon Tirus nopotabá in intaunea mita moḷoben namangoi kon i Daud, bo kayu mita ḷokuyú in Libanon bo mogogimok mita kon kayu takin intau mita inta motaau mopoyoguntuḷ mita in batu sin moposindog in komaḻig.

MIKHA 1:14

Tanaa, ei intau in Yohuda moiko in kobuḻiandon in kotá in Moresyet-Gat. Datu mita in Israel diá bidon mokouḻí kon totuḷung bui nongkon kotá in Akhzib.

KINOBAḺIAN 38:5

Adí intoḷunea ḷoḷaki doman, bo sinangoiannea ki Syela. Tungkuḷ in ki Syela pinononggadí ki Yohuda in kon Kezib.

YOSUA 19:30

Uma, Apek, bo Rehob. Kobayong in butá monia tua in doyowa nopuḷú bodoyowá in kotá takin ḻipú mita kon diugneamai.

SAMUEL 2 24:7

Nongkon tua in mosia minayá ná toḷatan kon Tirus kotá inta oyúon in tampat poḷoḷukadan tua. Noiduduimai kon tua mosia minayá in bayongan kotá in intau in Hewi bo intau in Kanaan, bo imbuitnea in kon Bersyeba, kon dotá in toḷatan in Yohuda.

ZAKHARIA 9:3

Tirus in noposindogdon in dinding mita pogoḻingoi kon inia bo nomontuyung kon buḷawan bo saḷaka kino bayong totok dá naondadon bo pakakat biasa ná bungaion bo yoná kon daḷan.

YOSUA 18:25

Bo mopuḷú doman bo opat in kotá noiduduimai naa takin ḻipú mita inta kon diugneamai, Gibeon, Rama, Beerot, Mizpa, Kepira, Moza, Rekem, Yirpeel, Tarala, Zela, Elep, Yebus (inta Yerusalem), Gibea bo Kiryat-Yearim. Tuata in butá mita inta inogoi kon motoḷuadí mita inta kon bonu in suku i Benyamin sin binaḻí kapunyaan monia.

DATU MITA IMITÁNEA 5:15

Ki Salomo in nopotabá domandon in 80.000 in intau sin mongurig kon batu nongkon buḷud bo 70.000 in intau mogakut kon batu mita tatua.

YEHEZKIEL 28:21

“Ei intau ilo-ilow, kutukdon kotá in Sidon.