YOSUA 17:13 - Alkitab Singog In Mongondow Masa In Tanaa

¹³ Nodapot in kon singgai noiduduimai naonda in intau Israel nobaḻídon noropot totok, diábí in mosia nopoguntun kon bayongan intau in Kanaan; mosia in tongábí nomakisa kon i monia mogaid kon oaidan monia.

YOSUA 17:13 Referans Kwoze

YOSUA 16:10

Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

SAMUEL 2 3:1

Parang kon sigad in intau mita inta moibog kon motoḷuadí i Saul bo intau mita inta moibog kon i Daud tantúpa doman mobaḻí. Ki Daud in kodugang-kodugangdon in ropotnea, bo musungnea in koyangkó-koyangkódon.

HAKIM MITA 1:33

Intau mita inta nogutun kon kotá in Bet-Semes bo Bet-Anat in diábí doman pinoguntun in suku Naptali. Manangka intua intau in Kanaan, inta taakan kon butá tatua nogutunpa doman kon tua noyotakin in intau in Naptali. Táe mosia in pinakisa mogaid kon oaidan in intau in Naptali.

HAKIM MITA 1:30

Intau mita inta nogutun kon kotá in Kitron bo Nahalol diábí doman pinoguntun in suku Zebulon. Tuamai in bangusa Kanaan umuranpa nogutun kon tua noyotakin monia, tongá intau mita in Kanaan tatua pinakisa nogaid kon i monia.

HAKIM MITA 1:28

Totuu kon naonda in intau in Israel nodugangdon noropot, mosia in nomakisa kon intau mita in Kanaan nogaid kon oaidan monia, táe diábí doman pinoguntun monia in intau mita in Kanaan tatua nongkon tua.

KINOBAḺIAN 49:15

Inindoiannea totuu mopia in tampat tatua bo totuu mogaga in butá tatua, dá kumuyungdon in sia bo moibogdon popotakoian in datog, bo pakisaan mogaid saḷaku bobantung.