YOSUA 15:46 - Alkitab Singog In Mongondow Masa In Tanaa

⁴⁶ takin bayongan in kotá bo ḻipú mita kon diug in Asdod, nongkon Ekron nodapot kon Dagat Toyuak.

YOSUA 15:46 Referans Kwoze

AMOS 1:8

Intau mita bo mongongawasa in kotá in Asdod bo Askelon in inggamáan-Kubí. Kotá in Ekron in hukumon-Kubí bo bayongan in ki agat in intau in Pilistin in yompaton-Kubí komintan.”

YESAYA 20:1

Podudui in parenta i Sargon, datu in Asyur, panglima in tontara in Asyur nonubu kon Asdod, kotá tobatú in Pilistin.

TAWARIKH 2 26:6

Ki Uzia in noparang nonayow kon intau in Pilistin. Sia in norumbun kon dinding mita in kotá in Gad, Yabne, bo Asdod, bo noposindog in kotá mita inta dininding kon diug in Asdod bo kon butá ibanea kon Pilistin.

SAMUEL 1 5:6

Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 5:1

Naonda in intau in Pilistin nogagow kon Poti Dodandian i Allah, dinia monia nongkon Eben Haezer pinobayá in kotá monia, Asdod.

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

YOSUA 15:45

Bo Ekron takin kotá mita mointok bo ḻipúnea mita,

YOSUA 15:47

Ná doman tua in Asdod bo Gaza takin kotá mita mointok bo ḻipúnea mita inta noibaya-bayá mako nodapot kon diug in tapá kon pinosigadan in Mesir bo pintad in Dagat Toyuak.