YOSUA 13:27 - Alkitab Singog In Mongondow Masa In Tanaa

²⁷ Kon Ḷopá in Yordan, butá in suku Gad tatua nongkon Bet-Haram, Bet-Nimra, Sukot, bo Zapon, inta ki agat in butá inta kinawasa in Datu Sihon kon Hesybon. Pinosigadan kon dotá in toyopan kon butá in suku Gad tatua in Ongkag in Yordan nodapot in Danow Galilea kon dotá in utuan.

YOSUA 13:27 Referans Kwoze

PINOGIAPAN 34:11

Nongkon tua mosiḻig kon Ribla kon dotá in pomukaan kon Ain, bo tumurus kon buḷud mita kon pintad in pomukaan kon Danow in Galilea,

PINOGIAPAN 32:36

Bet-Nimra, bo Bet Haran nobaḻí kotá mita inta sinondok in benteng bo nobaḻí ḷantung mita in domba.

KINOBAḺIAN 33:17

Táe ki Yakub minayá in Sukot, bodongka noposindog in baḷoinea bo tampat pononiungan in bobiagonnea mita. Tuamai tampat tatua sinangoian Sukot.

YOSUA 11:2

kon datu mita kon buḷud mita kon dotá in utuan, kon Ḷopá in Yordan kon dotá in toḷatan kon Galilea, kon butá inta kon pangkoi in buḷud, bo kon butá inta kon pintad kon diug in Dor.

ULANGAN 3:17

Kon dotá in toyopan, butá monia nobendar nodapot kon Ongkag in Yordan, nongkon Danow Galilea kon utuan nodapot kon Laut Mati kon dotá in toḷatan, minayá nodapot kon sipangkoion in Buḷud Pisga kon dotá in pomukaan.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

DATU MITA IMITÁNEA 7:46

Ki Datu nokiaid in pakakat mita tatua kon tampat pococoran kon logam inta kon sigad in Sukot bo Sartan kon Ḷopá in Yordan.

YOSUA 12:3

Noitakin doman in butá Ḷopá in Yordan kon dotá in pomukaan, nongkon Danow Galilea nopobayá ná toḷatan nodapot kon Bet-Yesimot (kon dotá in pomukaan kon Laut Mati), minayá turus kon sipangkoion in Buḷud in Pisga.

PINOGIAPAN 32:3

“Butá in kotá mita in Atarot, Dibon, Yaezer, Nimra, Hesybon, Eleale, Sebam, Nebo bo Beon inta ain iḻitúan in Israel takin totuḷung i Tuhan, totuu mopia ponombobiagan. Bo popisí in bobiagon nami modamaḷ totok,

YOSUA 13:26

butá nongkon Hesybon nodapot kon Ramat-Mizpa bo Betonim, bo butá nongkon Mahanaim nodapot kon pinosigadan in Lodebar, tua komintan in noituot doman in butá kon suku in Gad.

YOSUA 13:28

Tuata in kotá mita bo ḻipú mita inta inogoi kon motoḷuadí mita kon bonu in suku in Gad sin mobaḻí butá kapunyaan monia.

MAZMUR 60:6

Inogoian-Mu in tompoingat in intau mita inta mopirisaya, sinbá mosia moiḷagui kon hukuman.