YOSUA 11:8 - Alkitab Singog In Mongondow Masa In Tanaa

⁸ Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

YOSUA 11:8 Referans Kwoze

YOSUA 13:6

Noituot doman in bayongan butá in intau in Sidon, inta nogutun kon buḷud kon sigad in buḷud mita in Libanon bo Misrepot-Maim.” “Bayongan in bangusa tatua in poguntunon-Kubí komintan, kon dodai in bangusa Israel monubudon kon i monia,” Guman i Tuhan noidudui kon i Yosua. “Butá tatua in mustibí sila-silaionmu kon umat in Israel sin mobaḻí kapunyaan monia, ná inta ain pinarenta-Ku kon inimu.

YOSUA 19:28

Ebron, Rehob, Hamon, bo Kana, nodapot kon Sidon.

ZAKHARIA 9:2

Hamat inta noyosigad in Hadrakh in ki Tuhan doman in kitogi, natua doman in kotá mita in Tirus bo Sidon takin bayongan kototaau in intaunea.

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

YOSUA 11:3

Sia in nopotabá doman in intau minayá kon intau in Kanaan inta kon dotá in toyopan bo kon dotá in pomukaan kon Yordan, kon intau in Amori, Het, Peris, bo intau in Yebus inta kon buḷud mita, bo kon intau in Hewi kon sipangkoion in Buḷud in Hermon kon butá in Mizpa.

KINOBAḺIAN 49:13

Ki Zebulon in mogutun kon diug in dagat; kapaḷ mita in sinumubu kon pintadnea; modapot kon Sidon in sigad toḻibutánea.

KINOBAḺIAN 10:15

Ki adí mita i Kanaan, in ki Sidon in guya-guyang, bo ki Het.

YOSUA 11:7

Dá ki Yosua takin bayongan in tontaranea nonubu kon musung tatua dinumaḻi-daḻí kon diug in Tapá in Merom.

YESAYA 23:4

Ei kotá in Sidon, kahoromatanmu ain nobuḻi! Baḷangon inta modaḷom diádon akuonnea in iko, gumannea, “Akuoi in diápabí kon dodai in onda in nononggadí, diápa kon dodai in onda nomiag kon adí ḷoḷaki andeka bobay.”

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

ULANGAN 9:3

Táe tanaa, ontongonbí monimu tontaní naonda in ki Tuhan Allahmu mayá kon muna monimu naonda bo tuḷú inta mokopokak. Sia in monaḷowbí kon i monia kon tayowonmu, dá kountunan bo koyopúanbí monimu in mosia motoyong ná inta pinodandi i Tuhan.

YOSUA 10:20

Ki Yosua bo intau mita in Israel noḻimod kon intau mita in Amori tatua, táe oyúonpa doman in kon sigad mita monia in noḷagui minayá in kotá notayak kon pinogadopan, dá diá kinoḻimodan.

SAMUEL 2 24:6

bo minayá doman in Gilead bo kon Kades kon butá in intau in Het. Kamungkinan mosia minayá in Dan, bo nongkon Dan mosia in nomurow ná dotá in toyopan, kon Sidon.