YOSUA 11:15 - Alkitab Singog In Mongondow Masa In Tanaa

¹⁵ Bayongan inta pinarenta i Tuhan kon i Musa, mogogundoinea, aindon pinoguman i Musa kon i Yosua, bo inaidan doman i Yosua; diábí in tobatúmai in diá inaidannea.

YOSUA 11:15 Referans Kwoze

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

OUMAN IN RASUL MITA 20:20

Táe umpakabí natua yo diábí kon dodai in onda in akuoi nogogai nopotaau kon onu inta mokobaraguna kon i monimu. Tua komintan ain pinotaauku kon i monimu bo ain doman sinundúku kon i monimu kon tayowon in intau mobarong andeka kon baḷo-baḷoiannea.

ULANGAN 7:2

Aka ki Tuhan Allahmu moposarakan in bangusa mita tatua kon bonu in kawasamu bo moiko monaḷowdon kon i monia, ḻimodon in mosia komintan. Dika motabi kon i monia ande momia kon dodandian takin i monia.

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

ULANGAN 31:7

Bo ki Musa nogoiní kon i Yosua, bo kon tayowon in bayongan bangusa Israel sia noguman kon inia, “Korigon in gina bo kobarani, Yosua! Ikodon in modia kon bangusa tanaa mayá ḻimitú kon butá inta pinodandi i Tuhan kon mogoguyang monia.

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

ULANGAN 4:5

Bayongan in hukum tatua sinundúku kon inimu ná inta pinarenta i Tuhan Allahku. Duduiaidon intua komintan kon butá inta bain tuotan bo ḻitúan monimu tua.

OUMAN IN RASUL MITA 20:27

Sin diábí kon dodai in onda in akuoi moḷagui mopohabar in bayongan tomayá i Allah kon i monimu komintan, sin tuabí in oaidanku.

ULANGAN 4:2

Onu in pinogumanku, dika dugangan ande gaatan topiḻikmai. Duduiandon in parenta mita i Tuhan Allahmu inta pinotaauku kon inimu.

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.

YOSUA 11:12

Bayongan in kotá mita tatua inagow i Yosua, bo datunea mita in dinomok bo iḻimod pinodudui kon parenta i Musa, mogogundoi i Tuhan tua.

LUKAS 11:42

Koboditodon in moiko intau mita in Parisi, sin pododungú mita, pogamaan monimu kon mopuḷú noporsen sin posukur, táe oaid mita moadil bo tabi kon i Allah in iḻiongdon monimu. Aka mogaid kon tobatú, yo ibanea in dikabí koḻiongan.

MATIUS 23:23

Koboditodon ei moiko mototundú kon agama bo intau mita in Parisi! Ei moiko in intau mita inta mongomunapik. Pododungú in pogamaan monimu kon mopuḷú noporosen, tongá inta moponting totok kon bonu in hukum i Musa ḻiongon monimu.

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.

YOSUA 11:16

Ki Yosua in nogagow kon bayongan in butá tatua – kon buḷud, kon sipangkoion in buḷud, pinomayá kon utuan ande inta kon toḷatan; bo bayongan doman butá in Gosyen, takin Ḷopá in Yordan.

PINOGIAPAN 33:50

Kon rata in Moab tatua, kon bingkí in Ongkag in Yordan, kon diug in kotá in Yerikho, ki Tuhan nobogoi kon i Musa

PINOGIAPAN 33:52

moiko musti mopoguntun in intau inta nogutun kon butá tatua. Yompatdon in bayongan berhala monia inta nongkon batu bo logam takin tampat mita pooibadaan monia.

ULANGAN 31:3

Ki Tuhan Allahmu tontaní in mayá kon munamu bo moyopú kon bangusa mita inta nogutun kon tua, dá moiko in mokoḻitúdon kon butá monia. Ki Yosua in mobaḻí itoimu, ná inta pinoguman i Tuhan.

ULANGAN 31:5

Ki Tuhan in mobogoibí kon i monimu in kauntungan kon sigad monia, bo mosia in mustibí pomiaan monimu ná inta ain pinogumanku kon inimu.