YOSUA 10:25 - Alkitab Singog In Mongondow Masa In Tanaa

²⁵ Nopaḷut mako kon tua, ki Yosua noguman kon porwira mita tatua, “Dika moḻia-ḻiaw in gina bo dika moondok. Pokoyakin bo pokobarani in moiko, sin nanaabí in pogogaid i Tuhan kon bayongan in musungmu.”

YOSUA 10:25 Referans Kwoze

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

EPESUS 6:10

Naa in singogku pangabisan, paké in ropot inta nouḻí monimu nongkon kawasa i Tuhan, sin moiko in notobatúdon takin-Nea.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

SAMUEL 1 17:37

Ki Tuhan ain noposaḷamat kon bobantung naa nongkon singa bo beruang, yo Siabí doman in moposaḷamat kon bobantung naa nongkon intau in Pilistin tatua.” Bo noguman in ki Saul kon inia, “Mopia, poigumon mako ki Tuhan motuḷung kon inimu.”

ULANGAN 7:19

Toropdon in bodito mita inta motoyang inta inontong monimu tontaní, soaḷ mita inta mokoherang, bo ropot inta moḷoben inta pinaké i Tuhan Allahmu sin mopoḷuat kon i monimu. Ná doman in popoaid i Tuhan Allahmu kon bayongan bangusa inta kinoondok monimu.

MAZMUR 77:11

Bo akuoi in noguman, “Naabí in mokonakit kon ginaku, kon ki Inta Totok in moḷantud diádon nongawasa bui.”

MAZMUR 63:9

Kinadaianku in Iko kinoringkut, ḻima-Mu in noginroton kon inakó.

YOSUA 10:8

Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.