YOSUA 10:2 - Alkitab Singog In Mongondow Masa In Tanaa

² Intau mita in Yerusalem in noondokdon totok, sin Gibeon tua in kotá inta moḷobenbí; notongkai in koḷoben in kotá mita inta oyúon in datu, nodapot in Gibeonbí tua in moḷobe-ḷoben in Ai. Bo intaunea mita in mongotorindog bo mongopandoi doman moparang.

YOSUA 10:2 Referans Kwoze

ULANGAN 11:25

Kon bayongan butá tatua baḻíonbí i Tuhan Allahmu in intau mita kon tua agían in ondok kon inimu ná inta pinodandi-Nea, dá diádon tobatúmai in intau mokoḷamboi kon i monimu.

YOSUA 2:24

Onda intua mosia noguman, “Notantú bidon kon ogoibí i Tuhan in bayongan in butá tatua kon inaton; Bayongan in intau kon tua moondokdon kon i naton.”

IBRANI 10:31

Totokdon mokoondok aka kon bonudon in kawasa i Allah inta nobiag!

IBRANI 10:27

Dongka bidon tobatú in sinadia kon i naton, tuata in tumayow kon pongadilan i Allah bo tuḷu in torú-Nea inta momokak kon intau mita inta moḷawang kon i-Nia!

AMSAL 10:24

Intau inta motuḻid in gina mokouḻí kon onu inta sinayaknea; intau moraat mokouḻí kon onu inta totok in kinoondoknea.

SAMUEL 2 12:26

Kon dodai intua ki Yoab umuranpa noparang nonayow kon Raba ibukotá in Amon, bo motoyongdon mokoagow kon tua.

SAMUEL 1 27:5

Bo nopoigumdon in ki Daud kon i Akhis, “Aka mopia in gina i Tuang datu kon bobantung naa, yo ogoiaipa in bobantung naa in kotá mointok tobatú kon inta moako sin pogutunan, dá bobantung i Tuang naa in diádon tongá umaḷum kon i Tuang kon kotá tanaa.”

ULANGAN 28:10

Dá ontongondon in bayongan bangusa kon dunia kon moiko nion in bangusa inta piniḻí i Tuhan, bo mosia in mobangkaḷbí kon i monimu.

YOSUA 9:3

Táe intau mita in Gibeon inta nongkon bangusa in Hewi ain nokodongog kon onu inta pinomia i Yosua kon Yerikho bo Ai.

ULANGAN 2:25

Pinangkoi kon singgai naa baḻíon-Ku in moiko kobangkaḷ in bangusa mita kon ondaka. Bayongan intau in mourotbí sin moondok aka mokodongog kon tangoi monimu.’ ”

YOSUA 9:24

Mosia notubag, “Pinomia nami in natua sin dinongogdon nami kon ki Tuhan Allah inta sinumba i Tuang tua ain nopotabá kon i Musa, mogogundoi-Nea tua, nobogoidon kon i Tuang in bayongan butá tanaa bo moḻimod kon bayongan in intau inta nogutun kon butá tanaa kon dodai in tai Tuang mogamádon kon butá tatua. Kami in moondokdon totok aka ḻimodon in kami, tuamai pinomia nami in tanaa mita.