YOSUA 10:10 - Alkitab Singog In Mongondow Masa In Tanaa

¹⁰ Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.

YOSUA 10:10 Referans Kwoze

MAZMUR 18:14

Bo ki Tuhan in nonggotup nongkon toḷungayá; Ki Inta Totok in Moḷantud nopodongog in singog-Nea.

YOSUA 16:5

Moiduduimai naa in sigad mita in butá inta inogoi kon motoḷuadí mita inta kon bonu in suku Epraim. Kon dotá in pomukaan, botok tonsigad in butá monia pinangkoi nongkon Atarot-Adar nodapot kon Bet-Horon-Hulu,

YOSUA 16:3

Nongkon tua botok tatua pinobayá ná Toyopan kon butá in inanakan i Yaplet, nodapot kon Bet-Horon-Hilir, minayá nodapot kon Gezer, bo nopaḷuput kon Dagat Toyuak.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

HAKIM MITA 4:15

onda intua nonubu kon i Sisera. Bo pinotombauk i Tuhan in bayongan tontara i Sisera bo kereta mita in parangnea, dá ki Sisera noponagdon nongkon keretanea, bo noribatuk noḷagui.

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.

YEREMIA 34:7

kon dodai in tontara i datu in Babel koyogotdon in nonubu kon kotá tatua. Mosia in nonubu doman kon kotá in Lakhis bo Aseka, kotá doyowa inta dininding inta nonahangpa kon Yohuda.

MAZMUR 78:55

Kon tayowon in umat-Nea Sia nopoguntun in intau inta nogutun kon tua bodongka sinila-silai-Neadon in butá tatua kon bayongan in suku in bangusa in Israel, umat-Nea, dá mosia in motaaudon mogutun kon ḷoḷaigan mita in musung.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

TAWARIKH 2 14:12

Bo ki Asa takin tontara in Yohuda minayá nonubu kon tontara in Sudan. Ki Tuhan nonaḷow kon tontara in Sudan dá noḷaguidon in mosia.

SAMUEL 1 13:18

paanan nogindua in nopobayá in Bet-Horon, bo paanan nogintoḷu in nopobayá ná pinosigadan inta noitayow kon Ḷopá in Zeboin bo padang gurun.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

YOSUA 10:28

Singgai tatua ki Yosua nonubu kon Makeda, bo poḷat nonaḷow kon kotá tatua takin datu monia. Bayongan in intau kon kotá tatua iḻimodnea; diá tobatúmai in pinomayá mako nobiag. Inaidanmai i Yosua in datu in Makeda tatua ná doman pinogogaidnea kon i datu in Yerikho.

ULANGAN 7:23

Natuata in pogogaid i Allah moposarakan in musungmu mita kon inimu. Potombaukon-Neabí in mosia modapot in mosia moyopú.

YOSUA 10:9

Tonggobii tua ki Yosua takin tontaranea mita nobuat nongkon Gilgal nopobayá in Gibeon, bo baḷú nonubu kon intau mita in Amori.

SAMUEL 1 17:1

Kon singgai tobatú intau in Pilistin nosipun kon tontaranea sin mayá moparang. Mosia in noyosipun kon kotá in Sokho, kon butá in Yohuda bo noposindog in ḷoḷaigan monia kon sigad in Sokho bo Azeka, kon diug in Epes-Damim.

SAMUEL 2 22:15

Sia in nopopiotdon in piot-Nea mita, bo nopoyayit in musung. Sia in nopodagit in kilat nopobui-buimai nodapot in noḷagui in mosia.

DATU MITA IMITÁNEA 9:17

Bo ki Salomodon in noposindog bui in kotá tatua.) Nopomaké doman in ata in ki Salomo nokiposindog bui in Bet-Horon-Hilir,

HAKIM MITA 4:16

Ki Barak nogaḷow kon kereta mita in parang bo tontara mita in musung tatua nodapot kon Haroset-Hagoyim bo bayongan in tontara i Sisera tatua iḻimodnea; diá tobatúmai in pinomayánea mako nobiag.

HAKIM MITA 5:20

Tundi mita sinumakin doman noparang nonayow kon i Sisera, nongkon tampat monia kon toḷungayá.

TAWARIKH 2 25:13

Kon dodai intua tontara mita in Israel inta ain pinotabá pinoki pobuian i Amazia, bo diá inogoi noparang, nonubudon kon kotá mita in Yohuda inta kon sigad in Samaria bo Bet-Horon. Mosia in noḻimod kon 3.000 in intau poḷat nogagow kon nobayong in pakakat.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

ZAKHARIA 14:3

Bo ki Tuhan in mayá bo moparang monayow kon bangusa mita tatua, ná inta pinomia-Nea dungkuḷmai.