YOSUA 1:8 - Alkitab Singog In Mongondow Masa In Tanaa

⁸ Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.

YOSUA 1:8 Referans Kwoze

MAZMUR 119:15

Akuoi in moibog mobalajar kon bayongan inta sinantú-Mu, bo monaridi kon topotundú-Mu mita.

MAZMUR 19:14

Poyayúdon in akuoi nongkon dosa inta sinontuon inaidan, donaai pomayá mako in akuoi kawasaannea. Dá mobaḻídon in akuoi diá in bogit, bo moiḷuatdon nongkon aid moitaḷá inta mobogat.

KOLOSE 3:16

Umuran kon gina-gina mako in totundú mita i Kristus inta mobarakat tua, sahingga moiko in mobijaksana bo mopandoi in motundú bo mononggina kon utat mita. Dika mokoḻiong in mopodondong in Mazmur bo dondong mita rohani; podondongdon kon i Allah takin porasaan mosukur kon bonu in ginamu.

AMSAL 3:1

Dika koḻiongan onu inta ain sinundúku kon inimu, adíku. Umuran torop in parentaku,

ULANGAN 29:9

Dá moiko in musti mokoposatia in dumudui kon bayongan dodandian tanaa, sinbá moiko mokouḻí kon bayongan inta sinayakmu.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 119:97

Totokbí in koibogku in hukum-Mu; umurankubí tano-tano bo kinoouput in singgai.

MATIUS 7:21

“Diábí komintan intau inta mogoiní kon i-Nakó, ‘Tuhan, Tuhan,’ in mobaḻí umat-Ku, táe tongábí mosia inta dinumudui kon koibog i Amá-Ku inta kon soroga.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

YOSUA 1:7

Tongá, musti in iko totu-totuu moyakin bo mobarani. Musti totu-totuumu ḷukadan bo duduian in bayongan hukum inta inogoi i Musa mogogundoi-Ku tua kon inimu, dikabí taḷaanmu in topiḻikamai, dá onuka in aidanmu kodapotanbí.

ULANGAN 30:14

Dika moḻibó natua, sin parenta tatua nodiugdon kon inimu. Kinotaauandon monimu bo kinohapalan bidon monimu, dá dongka bidon mopoaid.

ULANGAN 5:29

Tungkuḷaika aka mosia tua bo umuran natua in porasaan! Tungkuḷai aka mosia umuran mohoromat kon i-Nakó bo motoindudui kon bayongan in parenta-Ku, modapot in mosia bo buí monia umuran mobiag motompia!

MAZMUR 119:99

Komomangaḻeku in noiḻiu kon komomangaḻe in guruku mita, popisí in akuoi umuran monano-nanobmai kon parenta-Mu mita.

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

ULANGAN 5:32

Utat mita, duduiai pokosatia in bayongan inta pinarenta i Tuhan Allahmu kon inimu. Dika ḻimimpat kon tobatúmai nongkon parenta mita tatua.

ULANGAN 31:11

Moiko in mustibí mobaca kon hukum mita tanaa koḷangonon kon tayowon in intau mita in Israel inta mamangoi mosumba kon i Tuhan Allahmu kon tampat inta piniḻí-Nea.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

MATIUS 12:35

Intau inta mopia mosingog doman kon inta mopia sin ginanea nopuḻing doman inta mopia. Bo intau inta moraat in ginanea in nopuḻing doman inta moraat.

MAZMUR 40:10

Kon bonu in poyosipunan in umat-Mu potaauku in habar mokosanang kon Iko in noposaḷamatdon kon inami. Diá mogoga-gogai potaauku intua, kinotaauan-Mubí intua komintan, o Tuhan.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

KINOBAḺIAN 24:63

Kon ḷoḷabungnea tobatú sia in iḻumuai kon ḷoḷaigannea sin mayá in gobánea, bo sia in nokoontong kon unta mita nopoangoi.

ULANGAN 31:24

Bo ki Musa nomais kon hukum i Allah kon buk tobatú. Pinaisnea intua kinotaridi nongkon pinomangkoian nodapot in simpodnea.

YOSUA 8:34

Noiduduimai kon tua binaca i Yosua kinoropot in bayongan in hukum podudui kon ná inta pinais kon bonu in Buk in Hukum, noitakin doman binaca in barakat bo kutukan mita.

ULANGAN 5:1

Ki Musa in nosipun kon bayongan bangusa Israel, bo noguman kon i monia, “Utat mita, indongogai in hukum mita inta pinotaauku kon inimu singgai in naa. Balajardon in hukum mita tatua, bo duduiai koposatia.

ULANGAN 29:8

Butá monia inagow naton bo sinilai naton kon suku in Ruben, in Gad bo tongosilai in kon suku in Manasye.

TAWARIKH 2 26:5

Ki Zakharia in mononongginanea. Kon bonu in ki Zakharia nobiagpa, ki Uzia in umuranbí nosatia in noibada kon i Tuhan dá binarakatan i Tuhan in sia.