YOSUA 1:5 - Alkitab Singog In Mongondow Masa In Tanaa

⁵ Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 1:5 Referans Kwoze

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

YOSUA 1:9

Pokotorop, Akuoi ain nomarenta kon inimu sinbá totu-totuudon in iko moyakin bo mobarani! Dika in iko moondok ande mogagawang, sin Akuoi ki Tuhan Allahmu in umuranbí kotaki-takinmu kon ondakabí in bayáanmu.”

ULANGAN 20:4

Ki Tuhan Allahmu in dumuduibí sin motuḷung kon i monimu, bo Sia in mopountungbí kon inimu.’

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”

YOSUA 3:7

Ki Tuhan noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

YOSUA 1:17

Kami in mokopotoinduduibí kon inimu, ná doman kami umuran nokopotoindudui kon i Musa. Poigumon mako ki Tuhan Allahmu umuran kotaki-takinmu ná doman pinononakin-Nea kon i Musa!

ULANGAN 7:24

Sia in moposarakanbí in datu mita monia kon inimu. Ḻimodonbí monimu in mosia, bo tangoi monia in koḻiongandon. Diábí tobatúmai in mokotahang monayow kon i monimu; mosia komintan in daitonbí monimu yopúon.

YOSUA 6:27

Ki Tuhan umuran kotaki-takin i Yosua, bo tangoi i Yosua kino tango-tangoiandon kon butá tatua.

ULANGAN 31:23

Onda intua ki Tuhan noguman kon i Yosua, adí i Nun, kai-Nia, “Korigon in gina bo kobarani in iko, Yosua! Iko in modia kon bangusa Israel tumuot kon butá inta pinodandi-Ku kon i monia, bo akuoi in motuḷung kon i monia.”

ULANGAN 4:31

Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.

YOSUA 10:8

Ki Tuhan noguman kon i Yosua, “Dika moondok kon i monia. Kauntungan inogoi-Kudon kon inimu, tuamai in diábí tobatúmai in intau mokotahang in monayow kon inimu.”

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”

SAMUEL 1 10:7

Aka bayongan tua mobaḻí, yo aidaidon in onu inta inanggapmu mopia, sin ki Allah in kotaki-takinmu.

DATU MITA IMITÁNEA 1:37

Ná doman onda in yoyotakin i Tuhan kon i Tuang Datu, yo igumon mako in natua doman in pononakin-Nea kon i Salomo. Igumon mako ki Tuhan momaḻí kon pomarentaannea in moḷobe-ḷoben nongkon pomarentaan i tuang datu.”

DATU MITA IMITÁNEA 6:13

Akuoi in mogutun kon bonu in baḷoi inta pinosindogmu tanaa kon yua-yuak in umat-Ku Israel. Akuoi in diá bidon monaḷámai kon i monia.”

DATU MITA IMITÁNEA 8:57

Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita.

DATU MITA IMITÁNEA 11:38

Aka iko, ná mogogundoi-Ku ki Daud, motoindudui totu-totuu kon i-Nakó bo mobiag podudui in hukum-Ku mita, bo mokosanang kon gina-Ku takin mopoaid in bayongan inta pinarenta-Ku kon inimu, dá Akuoi in umuranbí moyotakinmu. Baḻíon-Kubí in iko datu kon Israel. Jaminon-Kubí kon buímu in mobaḻíbí datu in Israel momaḷui kon inimu, notongkai ná inta pinomia-Ku kon i Daud.

TAWARIKH 1 28:20

Onda intua ki Datu Daud noguman bui kon i Salomo adínea ḷoḷaki. “Iko in musti mokopoyakin bo mokopobarani. Pangkoidon in oaidan tatua bo dika moondok kon onuka. Ki Tuhan Allah inta sinumbaku in motuḷungbí kon inimu. Diábí in Sia monaḷámai kon inimu. Umuran-Neabí takinan in iko modapot in moḷapatdon komintan in oaidan tatua.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YEREMIA 1:8

Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

DANIEL 11:16

Datu in butá utuan tatua in mogaidbí podudui in ibognea bo diá bidon in moḷawang tongopiḻikmai. Bo ḻitúannea bidon in butá inta mopia tatua bo kawasaannea komintan.

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.