YOHANES 3 1:7 - Alkitab Singog In Mongondow Masa In Tanaa

⁷ Sin kon binayáan monia mogaid kon oaidan i Kristus, mosia in diábí motarima kon totuḷung onukadon nongkon intau mita inta diá nonotaau kon i Allah.

YOHANES 3 1:7 Referans Kwoze

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.

KOLOSE 1:24

Tanaa mopiabí in ginaku in mororiga sin kopontinganmu. Sin aka awakku bo mororiga, yo tua in mangaḻenea akuoi nogintompodon kon roriga inta diápa kinorasaan i Kristus, sin kopontingan in jamaat saḷaku awak-Nea.

KORINTUS 2 12:13

Sin kon soaḷbí degá taonda moiko nion in pinotontumi, aka poyobandingonmai in jamaat mita ibanea? Tongábí koḻikud in soaḷ mita tanaa: akuoi in doí nokiposusamai nokiongkos kon i monimu. Akuoi in mopoigum maap aka tuabí in noitaḷá kon inakó!

KORINTUS 2 4:5

Sin habar inta pinoyaput nami tua in deemanbí habar soaḷ oaidan nami tontaní. Táe habarbí soaḷ ki Yesus Kristus inta Tuhan; bo kami naa in tongábí simpaḷmu mita popisí in ibog i Tuhan.

KORINTUS 1 9:18

Dá aka natua yo onu in mouḻíku? Naa in mouḻíku: akuoi in motaau mopoyaput in Habar Mopia bo diábí mokoyoyiga kon intau in mogongkos sin diábí in akuoi moigum kon rupa-rupa.

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

OUMAN IN RASUL MITA 8:4

Intau mita mopirisaya inta ain nongoirangkap tatua, nopotaa-taau doman mako in Habar Mopia kon ondakabí in kobayáan monia.

OUMAN IN RASUL MITA 5:41

Rasul mita tatua in nobuidon nongkon sidang agama tatua takin pia in gina, sin kinotaauan bidon monia kon natuabí in mobaḻí dumodudui i Yesus. Patusbí in mosia motarima kon singkuḻe lantaran ki Yesus.

YOHANES 15:21

Bayongan tua in daitonbí monia popoaid kon i monimu, sin moiko in dumodudui-Ku, bo diábí kinotaauan monia in Sia inta nopotabá kon i-Nakó.

OUMAN IN RASUL MITA 20:33

Diápabí kon dodai onda akuoi nohaga in doit andeka pakeang nongkon intau ibanea.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

PILIPI 2:9

Tuamai in pinoḷantud totok i Allah in Sia, bo inogoian in kawasa inta moḷobe-ḷoben nongkon kawasa ibanea mako.

YOHANES 3 1:8

Sin tuamai, kita intau mita in Keresten in musti motuḷung kon yobayat mita tumpaḷa Keresten inta ná tatua, sinbá kita moitakindon moramuji mopohabar in totundú inta noitutui nongkon i Allah.