YOHANES 2 1:6 - Alkitab Singog In Mongondow Masa In Tanaa

⁶ Aka kita motabi kon i Allah yo mustibí dumudui kon bayongan parenta-Nea. Naa in parenta tatua: Moiko in musti umuran mobiag mositabian tobatú bo tobatú.

YOHANES 2 1:6 Referans Kwoze

YOHANES 1 5:3

Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

YOHANES 1 2:24

Sin tuamai, habar inta ain dinongog monimu, wakutu in moiko bagupa nopirisaya, mustibí tagúon monimu kon bonu in gina. Sin aka habar inta ain dinongog monimu tua umuran kon gina-gina mako monimu, yo moiko in umuranbí mobiag motobatú takin i Adí bo i Amá.

YOHANES 1 2:5

Táe intau inta umuran dinumudui kon parenta mita i Allah, yo tabi in intau tatua kon i Allah nosompurnadon. Tua in nobaḻí tanda kon kita in nobiagdon notobatú takin i Allah.

YOHANES 15:10

Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

YOHANES 15:14

Moiko nion in yobayat-Ku mita, aka pomiaan monimu in onu inta pinarenta-Ku kon inimu.

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

YOHANES 1 5:15

Sin kinotaauandon naton kon indongogan-Neabí in kita aka mopoigum kon i-Nia, dá kinotaauan domandon naton kon ogoi-Neabí in onu inta ain pinoigum kon i-Nia.

YOHANES 2 1:5

Tuamai, Iná poigumonkudon totok sinbá kita komintan in umurandon mositabian. Onu in pinogumanku tanaa in deemanbí parenta mobagu; parenta tanaa ain bidon inogoi kon i naton wakutu in kita bagupa nopirisaya.

ULANGAN 13:4

Intau ná tatua in musti hukumon matoi, sin moibog mopoḷaḻe in daḷan inta pinarenta i Tuhan Allahmu kon inimu. Sia tua in intaubí moraat sin mopotabá kon i monimu moḷawang kon i Tuhan Allahmu inta nopoḷuai kon i monimu nongkon Mesir, tampat pinononggataan kon i monimu. Dá sia tua in mustibí ḻimodon, sinbá onu inta moraat tatua daiton inggamáan. Táe moiko in mustibí umuran dumudui kon i Tuhan Allahmu bo mohoromat kon i-Nia; duduiai in Sia bo aidai in bayongan parenta-Nea. Umuran pokosatia bo pogundoi kon i-Nia.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

YOHANES 1 2:7

Utatku mita inta kinotabiku! Onu in pinaisku tanaa in deemanbí parenta mobagu, táe parentabí inta noonggotdon inta ain pinogumanku kon i monimu kon wakutu in moiko bagupa nopirisaya kon i Kristus, tuata in habar inta nongkon i Allah bo inta ain dinongog monimu koḻipod.