YOHANES 1 3:9 - Alkitab Singog In Mongondow Masa In Tanaa

⁹ Intau inta nobaḻídon ki Adí i Allah in diá bidon tantú mogaid kon dosa, sin sipat i Allah oyúondon in kon inia. Bo lantaran ki Allah tua in ki Amánea, dá sia in diá bidon motaau umuran mogaid kon dosa.

YOHANES 1 3:9 Referans Kwoze

YOHANES 1 5:18

Kinotaauan naton kon bayongan intau inta ain nobaḻí ki adí mita i Allah, in diábí umuran mogaid kon dosa, sin ki Adí i Allah in umuran moḷukad kon inia, bo ki Inta Moraat in diá mokopongonu kon inia.

PETRUS 1 1:23

Sin lantaran moiko mopirisaya kon pirman inta nobiag bo inta mononoi tua, dá moiko binaḻídon intau inta mobagu bo deemanbí pinolahir nongkon intau inta mato-matoi tua, táe nongkon i Amábí inta diá mato-matoi.

YOHANES 1:13

inta pinononggadí deeman nongkon intau, sin kobiagan mobagu tua in nongkon i Allahbí in pangkoinea.

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

YOHANES 1 5:4

sin bayongan intau inta nobaḻídon ki adí i Allah mokosanggupbí mita in monaḷow kon dunia inta moraat naa. Bo tongábí pirisaya naton kon i Tuhan tua in monaḷow kon in dunia naa.

YOHANES 3:3

Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

GALATIA 5:17

Sin onu inta kinoibog in intau noyoposibí in kinoibog i Allah, andeka nanaa, inta kinoibog i Allah in noyoposibí inta kinoibog in intau naa, tuamai in moiko diá motaau in mogaid kon onu inta koibog monimu.

YOHANES 1 4:7

Utat mita inta kinotabiku! Koḻigai bá kita in umuran mobiag mositabian tobatú bo tobatú, sin tabi tua in nongkon i Allahbí, bo intau inta kototabi kon tumpaḷa intau in ki adíbí mita i Allah bo nonotaau kon i Allah.

MATIUS 7:18

Sin diábí in aka pangkoinea mopira bo mopomungai in inta moraat, andeka pangkoinea inta diá mopira bo mopomungai inta mopira.

SURAT I PAULUS KON JAMAAT RUM 6:2

Tantú diábí natua! Dosa in diá bidon nongawasa kon i naton, manangka intua kita diá bidon in motaau aka dongka umuran mogaid kon dosa?

OUMAN IN RASUL MITA 4:20

Sin diábí motaau in kami in mogogai mopotaau kon onu inta ain inontong bo dinongog nami tontaní.”

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

AYUB 19:28

‘Naonda in pononuntut kon inia?’ Moiko in notayak kon dodoyonan sin momia kon pelekara.

MAZMUR 119:3

Pia in kamang in intau inta nobiag podudui in ibog i Tuhan, bo diá nogaid kon moraat.

YOHANES 1 3:6

Komintan intau inta nobiag notobatú takin i Kristus, diábí umuran mogaid kon dosa. Intau inta umuran mogaid kon dosa, diábí kon dodai onda in mokoontong kon i Kristus andeka monotaau kon i-Nia.

YOHANES 3 1:11

Utat inta kinotabiku, donaai dumudui kon oaid mita inta diá mopia. Duduiaidon in onu inta mopia. Intau inta mogaid kon mopia in kapunyaanbí i Allah. Bo intau inta mogaid kon inta moraat diápabí nonotaau kon i Allah.

IMAMAT 11:37

Aka mahaḷuk minatoi tatua bo noḷabú kon batoḷ inta ain inambor, yo batoḷ tatua in umuranbí nodarit.