YOHANES 1 3:17 - Alkitab Singog In Mongondow Masa In Tanaa

¹⁷ Aka moiko inta nobiagdon nooyúon bo nokoontong kon utat inta nobiag nobogá, táe doí motuḷung kon i utatnea tatua, dá naondabí in sia motaau moguman, ‘Akuoi in motabi kon i Allah?’

YOHANES 1 3:17 Referans Kwoze

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

YOHANES 1 4:20

Aka oyúon in intau moguman, “Akuoi in motabi kon i Allah,” táe sia in diá motabi kon i utatnea, yo mouboḷ in intau tatua. Sin intau inta diá motabi kon i utatnea inta ontongonnea mako, tantú diábí doman kumaan kon akaḷ aka sia in motabi kon i Allah inta diá inontongnea.

LUKAS 3:11

Ki Yohanes in notubag, “Aka ki ine in koḷambung doyowa, yo musti in sia mobogoi in ḷambung tobatú kon intau inta diá koḷambung; ná doman tua, aka ki ine in oyúon in kaanon, yo ogoiaibí in intau inta diá kokaanon.”

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

YAKOBUS 2:15

Aka kuma tobatú utat ḷoḷaki ande bobay diá in pakeang bo diá in kaanon inta tugat kaanon pomuḷoi in singgai.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

AMSAL 12:10

Intau mopia in umuran monaridi kon bobiagonnea; táe intau moraat in mopogutúbí.

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

YAKOBUS 2:16

Onubí in mangaḻenea moiko in moguman, “Pakédon in pakeang tanaa inta mokoinggamá kon tumping bo pongaandon!” – aka diá ogoian monimu in sia in pakéonnea kon kobiagan?