YOHANES 1 2:4 - Alkitab Singog In Mongondow Masa In Tanaa

⁴ Intau inta mongaku, “Akuoi in nonotaau kon i Allah,” táe diá dinumudui kon parenta-Nea mita, yo mouboḷ in intau tatua, bo ki Allah in doíbí mogutun kon bonu in ginanea.

YOHANES 1 2:4 Referans Kwoze

YOHANES 1 1:6

Aka kita moguman kon kita in nobiag notobatú takin-Nea, táe kita umuranpa doman nobiag kon bonu in sindip, dá kita in nonguboḷ bidon, pinomayá tosingogon andeka oaid.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

YOHANES 1 1:8

Aka kita in moguman kon kita in diá kon dosa, dá monguboḷbí in kita kon i naton tontaní; bo ki Allah in doí bidon mogutun kon bonu in gina naton.

YOHANES 1 4:20

Aka oyúon in intau moguman, “Akuoi in motabi kon i Allah,” táe sia in diá motabi kon i utatnea, yo mouboḷ in intau tatua. Sin intau inta diá motabi kon i utatnea inta ontongonnea mako, tantú diábí doman kumaan kon akaḷ aka sia in motabi kon i Allah inta diá inontongnea.

YOHANES 1 2:9

Intau inta noguman kon sia in nobiagdon kon nobayag, táe sia in umuranpa doman mosaturu kon i utatnea, yo intau tatua in umuranpabí nobiag kon nosindip umaai in tanaa mako.

YOHANES 1 1:10

Táe aka kita in moguman kon kita naa in diá kotaḷá, dá inanggapdon naton kon ki Allah tua in naonda bo mouboḷ, bo onu inta siningog-Nea diádon sinagú mako naton kon bonu in gina.

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

TITUS 1:10

Sin nobayongdon in intau nobiag diá noitutui, torutama mosia inta nokadai kon hukum i Musa. Mosia mongonguman kon diá totuu sin makusud monguboḷ kon intau.

YOHANES 1 2:3

Aka kita bo umuran dumudui kon parenta mita i Allah, dá tua in tandanea kon kita in nonotaau kon i Allah.

YOHANES 1 3:6

Komintan intau inta nobiag notobatú takin i Kristus, diábí umuran mogaid kon dosa. Intau inta umuran mogaid kon dosa, diábí kon dodai onda in mokoontong kon i Kristus andeka monotaau kon i-Nia.

YOHANES 1 4:7

Utat mita inta kinotabiku! Koḻigai bá kita in umuran mobiag mositabian tobatú bo tobatú, sin tabi tua in nongkon i Allahbí, bo intau inta kototabi kon tumpaḷa intau in ki adíbí mita i Allah bo nonotaau kon i Allah.