YOHANES 1 2:12 - Alkitab Singog In Mongondow Masa In Tanaa

¹² Naa in pinaisku kon i monimu, uḻe Adíku mita, sin taḷámu mita aindon inampungan lantaran tangoi i Kristus.

YOHANES 1 2:12 Referans Kwoze

OUMAN IN RASUL MITA 10:43

Bayongan in nabi komintan bidon nongonguman kon soaḷ Sia tua. Mosia in noguman, kon bayongan intau inta mopirisaya kon i Yesus, komintan ampungan in dosanea takin kawasa inta nongkon i Yesus.”

OUMAN IN RASUL MITA 13:38

Tuamai utatku mita, mustidon kotaauan monimu kon pinongin i Yesusbí tuata habar soaḷ pongampungan kon dosa pinotaau kon i monimu; musti kotaauan monimu kon pomuḷoi in intau inta mopirisaya kon i-Nia, pinilatandon nongkon dosa mita inta diábí motaau tongá popatan pongin bayongan in parenta mita i Allah inta pinoyaput i Musa.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

MAZMUR 106:8

Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

KOLOSE 1:14

Ki Adí-Nea tatua inta nopobebas kon i naton, mangaḻenea bayongan dosa naton ain inampungan-Nea.

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

YOHANES 1 1:4

Naa komintan in pinaisdon nami, sinbá gina naton totu-totuudon moḷunganga.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

LUKAS 5:20

Naonda in ki Yesus nokoontong kon námai tua in pirisaya monia, dá Sia in noguman kon intau tatua, “Utat, taḷámu inampungandon.”

YOHANES 1 2:21

Pinaisku in naa kon i monimu deemanbí lantaran moiko diápa nonotaau kon totundú inta nobanar, táe lantaranbí kinotaauandon monimu in totundú tatua bo kinotaauandon monimu kon diábí in uboḷ kon totundú inta nobanar tatua.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YOHANES 1 2:7

Utatku mita inta kinotabiku! Onu in pinaisku tanaa in deemanbí parenta mobagu, táe parentabí inta noonggotdon inta ain pinogumanku kon i monimu kon wakutu in moiko bagupa nopirisaya kon i Kristus, tuata in habar inta nongkon i Allah bo inta ain dinongog monimu koḻipod.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YOHANES 1 1:9

Táe aka akuondon naton in taḷá mita naton kon i Allah, dá aidan-Neabí in onu inta ain pinodandi-Nea bo pobayá-Nea doman onu inta moadil. Ampungan-Neabí in bayongan dosa naton poḷat daritan-Nea doman in kita nongkon bayongan in oaid inta moraat.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.