YOHANES 9:8 - Alkitab Singog In Mongondow Masa In Tanaa

⁸ Táe topodiugnea mita bo intau mita inta nokoimontandon nokoontong kon inia ḻimitúmai bo moigum kon doit kon intau inta moitaḻibmai, komintan noguman, “Aka diá moitaḷá siabí tanaa inta biasamai tumompoḻitúanmai bo moigum kon intau moitaḻib?”

YOHANES 9:8 Referans Kwoze

SAMUEL 1 2:8

Nongkon roriga binuat-Nea in intau inta diá koonu bo onu, nongkon roriga pinoḷuat-Neadon in intau inta mokooyá. Mosia in binaḻí-Nea yobayat in intau mita moḷoben, bo inogoian in tangoi moḷantud. Aip in butá naa ki Tuhanbí in kitogi, kon ḻimonikannea pinosindog-Nea in dunia.

LUKAS 18:35

Naonda in ki Yesus nodiugdon kon Yerikho, oyúon in tobatú intau bilog inta iḻimitú mako kon bingkí in daḷan bo moigumai kon doit kon bayongan intau inta moitotaḻib kon tua.

MARKUS 10:46

Bo noidapotdon in mosia in Yerikho. Wakutu in ki Yesus bo murí-Nea mita takin intau moantó inta dinumudui kon i-Nia, nonaḷámaidon kon kotá tatua oyúon tobatú intau bilog inta ḻimitú mako kon daḷan sin moigum kon totabi in intau inta moitaḻibmai. Ki Bartimeus in tangoi intau bilog tatua, sia ki adí i Timeus.

SAMUEL 1 21:11

Pogawai mita i Akhis in noguman nanaa kon i Akhis, “Siabí nion in ki Daud, datu kon butá tanaa! Bo kon iniabí nion kon dodai intua in bobay mita notayok sindaḷan nodondong nanaa, ‘Ki Saul in noḻimod kon ribuan in musung, táe i Daud in puḷúan ribu!’ ”

RUT 1:19

Dá nongingguputdon in mosia kon bobayáan noidapot in Betlehem. Naonda in yaput monia kon tua, bayongan in intau kon ḻipú tatua nodowawá. Bayongan in bobay kon tua noḻibó, “Totuu degá kon ki Naomi in sia tua?”

LUKAS 1:58

Bo naonda in topodiugnea mita bo ginaḷumnea mita nokodongog kon ki Tuhan ain nopoontong in totabi-Nea inta totok in moḷoben, dá nopia totok in gina monia, natua doman gina i Elisabet.

YOHANES 9:9

Oyúon in notubag, “Totuu, sia naa.” Táe oyúon doman in noguman, “Deeman, sia nion tongábí notombatangan in intau tatua.” Táe intaudon tatua tontaní in nongaku, “Akuoibí naa inta i makusud monimu.”