YOHANES 9:6 - Alkitab Singog In Mongondow Masa In Tanaa

⁶ Naonda in nosingog mako natua ki Yesus nonduyá kon butá. Bo duyá-Nea tatua in pinoyokitog-Nea in butá.

YOHANES 9:6 Referans Kwoze

MARKUS 8:23

Kinadaian i Yesus intau bilog tatua bo kinapit-Nea minayá kon ḷuai in kotá. Onda intua dinuyáan i Yesus mata intau bilog tatua, bo kinadaian-Nea doman kon mata poḷat noḻibó, “Oyúondon degá in ontongonmu in tanaa mako?”

MARKUS 7:33

Intau bongoḷ bo bobó tatua dinia i Yesus pinotontaní kon intau nobayong bo pinobonunea in gongguyamú in ḻima-Nea kon bongoḷan in intau tatua, onda intua nonduyá in Sia bo iyapu-Nea in dilá intau tatua.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.

YESAYA 35:5

Kon dodai intua intau bilog in mokoontongdon, bo intau bongoḷ in mokodongogdon.

YOHANES 9:11

Sia in notubag, “Intau inta ki Yesus in tangoi-Nea nogamá kon butá topiḻik bo nopoyokitog-Nea in duyá bodongka pinoḻepo-Nea kon mataku poḷat noguman kon inakó, ‘Bayádon kon tabang Siloam bo pongiamot.’ Bo minayá domandon in akuoi. Naonda in nongiamot in akuoi, yo nokoontongdon.”