YOHANES 9:36 - Alkitab Singog In Mongondow Masa In Tanaa

³⁶ Intau tatua in notubag: “Ki ine in Sia tua, Tuang? Tuḷungaipa poguman kon inakó sinbá mopirisaya in akuoi kon i-Nia.”

YOHANES 9:36 Referans Kwoze

SURAT I PAULUS KON JAMAAT RUM 10:14

Táe naondabí in intau mokuani kon i Tuhan aka mosia bo diápa mopirisaya kon i-Nia? Naondabí in popopirisaya monia aka diápa dinongog monia in soaḷ Sia tua? Naondabí in mosia mokodongog kon soaḷ Sia aka diápa doman intau in nopotaau?

YOHANES 1:38

Ki Yesus in nobobui kon i monia inta dumuduianmai kon i-Nia bo poḷat noḻibó, “Onu in tayakon monimu?” Tubag monia, “Rabi, kon onda in pinogutunan i Rabi?” (Rabi mangaḻenea guru.)

MATIUS 11:3

dá nopotabádon in sia kon murínea mita noḻibó kon i-Nia nanaa: “Degá Ikodon naa in intau inta mamangoi podudui in dandi i Allah, andeka mogoḷatpa degá bui in kami kon intau ibanea?”

DONDONG MOḶANTUD 5:9

Yo degá batoḷ in dodobmu noiḻiu kon batoḷ in dodob mita ibanea, ei mongodeaga inta totok in moḷunat? Degá batoḷ in dodobmu noiḻiu kon batoḷ mita in dodob ibanea, modapot in iko nopotabá kon inami modandi?

YOHANES 9:37

“Iko in nokoontongdon kon i-Nia,” tubag i Yesus. “Sia tuata inta moyosingogmumai naa.”