YOHANES 9:31 - Alkitab Singog In Mongondow Masa In Tanaa

³¹ Kinotaauanbí naton kon ki Allah in diábí mokidongog kon intau mita inta binaradosa, táe tongábí mosia inta mohoromat kon i Allah, bo inta mogaid kon onu in kinoibog-Nea.

YOHANES 9:31 Referans Kwoze

AMSAL 15:29

Ki Tuhan in mokidongogbí aka intau mopia mosambayang, táe Sia in doíbí mopandungmai kon intau moromú.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

ZAKHARIA 7:13

Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.

MAZMUR 18:41

Binaḻí-Mu noḷagui in musungku mita kon inakó; intau mita inta mondoí kon inakó iyopúku.

AYUB 42:8

Dá, gamádon in tanaa sapi koḷakian pitu bo domba koḷakian pitu, bo bayádon kon i Ayub. Bo posumbadon intua komintan mobaḻí kuruban payongon kon inimu. Sambayangan i Ayub in moiko bo tarimaan-Ku in sambayangnea. Moiko in diábí pokopooyáan-Kumai, umpakabí patus in moiko motarima kon hukuman. Diá inouman monimu kino banar ki ine in Akuoi, ná inta inouman i Ayub.”

AYUB 35:12

Intau mita inta iroriga tatua in momaḷú, táe kibio-biómai in ki Allah sin moraat in mosia bo mokaḷakuang.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YESAYA 58:9

Aka moiko mosambayang, indongogan-Ku intua. Aka moiko mokuani kon i-Nakó, tubagan-Ku. Dikadon bui mondorot kon tumpaḷa intau, gogaiaidon in sosaturuan bo tapud.

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

KINOBAḺIAN 20:7

Táe tanaa, pobuidon in sia kon i buḷoinea. Ki buḷoinea in tobatúbí nabi, bo sambayangannea in iko sinbá diá matoi. Táe aka diá pobuimu in sia, yo pokotaaudon, iko bo bayongan rayatmu in matoi!”

KINOBAḺIAN 19:29

Natuata, tungkuḷ in ki Allah nomokak kon kotá mita tatua bo ḷopá inta pinogutunan i Lot, kinotoropan i Allah in ki Abraham bo sinuḷungan-Nea in ki Lot noḷagui.

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

MAZMUR 40:8

Bo akuoi in noguman, “Naadon in akuoi, kon bonu in ḻitodan in buk pinais kon inakó.

IBRANI 10:7

Bo Akuoi in noguman nanaa, ‘Naadon in Akuoi, o Allah! Akuoi in namangoi sin mogaid kon onu inta kinoibog-Mu, ná inta pinais kon Buk Motusi soaḷ Akuoi.’ ”

ULANGAN 1:45

Onda intua moiko nobui bo nokuani kon i Tuhan sin mokituḷung, táe doí in Sia nokidongog ande noindoimai kon i monimu.”

AYUB 35:13

Diá in baragunanea in karakan monia imibo-ibog; ki Inta Totok in mokawasa diá nokoontong andeka mokidongog kon i monia.

YOHANES 9:30

Intau tatua in notubag, “Mokoherangbí totok aka diá kinotaauan monimu mongo nongkon onda in Sia, bokaka bo binaḻí-Neadon nokoontong in Akuoi.

YOHANES 9:32

Nongkon pinomangkoianmai in dunia naa diápa dodai onda in kinodongogan oyúon intau nopobaḻí kon intau bilog inta nongkon noilahirpamai nobaḻí nokoontong.

YOHANES 11:22

Tongá kinotaauankubí doman kon tanaa mako ki Allah in mobogoibí doman in onukabí in poigumon i Tuhan kon i-Nia.”