YOHANES 8:48 - Alkitab Singog In Mongondow Masa In Tanaa

⁴⁸ Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

YOHANES 8:48 Referans Kwoze

YOHANES 7:20

Intau moantó kon tua in notubag: “Nobundai Iko! Ki inebí in moibog moḻimod kon ini-Mu?”

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

YOHANES 10:20

Nobayong in noguman, “Kinotoḷangan in dimbuḷó in Sia! Sia in nobundai! Nongonu sin indongoganbí monimu in Sia?”

YOHANES 4:9

Bobay tatua in notubag, “Ki Tuang intau in Yahudi, bo akuoi naa inta in Samaria; nongonu sin ki Tuang moigumbí kon tubig inumon kon inakó?” (Sin intau mita in Yahudi diá noyoyobayatan intau mita in Samaria.)

MATIUS 15:7

Ei intau inta mongomunapik! Totuudon onu inta pinoguman muna i Nabi Yesaya soaḷ moiko,

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 10:25

Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”

MATIUS 10:5

Taya mopuḷú bodoyowá tua pinotabá-Nea takin koyow nanaa: “Donaai moiko mayá in ḻipú in intau ibanea inta deeman Yahudi. Andeka mayá in ḻipú intau in Samaria.

YAKOBUS 2:19

Tantú moiko in mopirisayabí kon ki Allah in tongábí tobatú toh? Bá kotaauan monimu kon dimukud mita moraat in mopirisayabí doman kon tua bo uyotbí doman mako in mosia sin moondok!

SURAT I PAULUS KON JAMAAT RUM 15:3

Sin ki Kristuspa in diábí norai kon kopontingan-Nea tontaní. Kon bonu in Buk Motusi in pinais nanaa, “Bayongan hojatan inta pinonapud kon ini-Mu ain noiantug kon inakó.”

YOHANES 13:13

Moiko in mogoiní kon i-Nakó Guru bo Tuhan. Bo Noitutuibí intua, sin totuu kon Akuoi in Gurubí bo Tuhan.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

IBRANI 13:13

Tuamai, koḻigai mayá in kita kon i-Nia kon ḷuai in ḷoḷaigan bo moyotakin-Nea singkuḻeon.

MATIUS 12:31

Manangka intua poguman-Ku kon inimu, aka intau mogaid kon dosa bo moningkuḻe kon i Allah, yo motaaupabí ampungan! Táe aka moningkuḻe kon Roho i Allah, yo diábí ampungan in sia!

MATIUS 11:18

Ki Yohanes namangoi, sia in nopuasa bo diá nonginum kon anggur, táe kai monimu sia in kinotoḷangan in dimbuḷó.

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 8:22

Dá itoi mita in Yahudi in noguman, “Degá bo ḻimimodbí tontaní in Sia nion, sin Sia in moguman, ‘Tampat inta bayáan-Ku, diá kodapotan monimu.’ ”