YOHANES 8:42 - Alkitab Singog In Mongondow Masa In Tanaa

⁴² Dá ki Yesus in noguman kon i monia, “Aka ki Allah tua ki Amámu, yo motabibí in moiko kon i-Nakó, sin Akuoi in namangoibí nongkon i Allah. Bo deemanbí ibog-Ku tontaní in namangoi, táe ibogbí i-Nia inta nopotabá mangoi kon i-Nakó.

YOHANES 8:42 Referans Kwoze

YOHANES 12:49

Sin Akuoi in mosingog deemanbí podudui in ibog-Ku tontaní; Táe ibogbí i Amá inta nopotabá kon i-Nakó. Siabí tua in nomarenta kon i-Nakó kon onu i musti singogon-Ku bo potaau-Ku.

YOHANES 14:10

Pilipus! Diá degá in iko mopirisaya, kon Akuoi in notobatú i Amá, bo ki Amá in notobatú takin-Ku? Onu in pinoguman-Ku kon inimu naa deemanbí singog-Ku tontaní. Ki Amábí inta notobatú takin-Ku, Siabí in nogaid kon bayongan tua.

YOHANES 17:8

Pinotaau-Kudon kon i monia in singog inta inogoi i Amá kon i-Nakó; bo sinarimadon monia. Kinotaauan monia kon Akuoi in totu-totuubí namangoi nongkon i Amá bo mosia in mopirisayabí kon ki Amábí in nopotabá kon i-Nakó.

YOHANES 17:25

Amá inta moadil! Diá kinotaauan in dunia naa in ki Amá, táe Akuoi in nonotaaubí kon i Amá bo intau mita tanaa in nonotaau bidon kon ki Amábí in nopotabá kon i-Nakó.

MALEAKHI 1:6

Ki Tuhan Inta Totok in mokawasa in noguman kon imang mita, “Adí tobatú in mohoromatbí kon i amánea, bo mobobantung tobatú in mohoromatbí kon i tuangnea. Akuoi i naa in ki Amámu; nongonu sin moiko in diábí mohoromat kon i-Nakó? Akuoi naa in ki tuangmu; yo nongonu sin moiko in diábí moondok kon i-Nakó? Moiko in mopoompámai kon i-Nakó, táe moiko in noḻibó, ‘Naonda in pinononingkuḻe nami kon ini-Mu?’

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 1 4:14

Kami tontaní ain nokoontong kon i Adí i Allah, bo kami in nopohabar kon Sia in pinotabá mangoi i Amá sin mobaḻí Datu Mopoposaḷamat in dunia naa.

YOHANES 5:43

Akuoi namangoi takin kawasa i Amá-Ku, táe moiko in doí motarima kon i-Nakó. Táe aka intau ibanea in mamangoi kon i monimu takin kawasanea tontaní yo tarimaan monimu in sia.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

YOHANES 3:17

Sin ki Allah in nopotabá kon i Adí-Nea namangoi in dunia naa deemanbí mamangoi mohakim kon intau kon dunia naa, táe mamangoibí moposaḷamat kon i monia.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

WAHYU 22:1

Bo malaekat tatua in nopoontong doman kon inakó in ongkag inta mobogoi in kobiagan. Ongkag tatua in nosilang totok naonda bo kristal inta moiḻig nongkon tampat pomomarentaan i Allah bo i Adí in Domba tatua,

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

YOHANES 8:14

Ki Yesus in notubag, “Umpakabí in Akuoi mongonguman kon soaḷ kaadaan-Ku tontaní, táe totuubí onu inouman-Ku tua, sin kinotaauan-Kubí kon nongkon onda in Akuoi namangoi bo kon onda in bayáan-Ku.

YOHANES 13:3

Kinotaauan bidon i Yesus kon ki Amá in noposarakandon in kawasa-Nea komintan kon i-Nia. Kinotaauan-Neabí doman kon Sia in namangoi nongkon i Allah bo mobui doman kon i Allah.

YOHANES 16:30

bo kinotaauan bidon nami kon bayongan yagi-yagi kinotaauanbí i Tuhan. Diá bidon paraḷu in intau moḻibó kon onu bo onu kon i Tuhan. Tuamai kami in mopirisayabí kon ki Tuhan in namangoibí nongkon i Allah.”

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.