YOHANES 7:44 - Alkitab Singog In Mongondow Masa In Tanaa

⁴⁴ Oyúon in modomok kon i-Nia, táe diá tobatúmai intau in mokobaḻí mokadai kon i-Nia.

YOHANES 7:44 Referans Kwoze

YOHANES 7:30

Dodai intua ramujiondon monia domokon in Sia, táe diá tobatúmai intau mokobaḻí mokadai kon i-Nia, sin deemanpa wakutunea.

OUMAN IN RASUL MITA 23:11

Kon doḷom noiduduimai ki Tuhan Yesus in namangoi sinimindog kon diugneamai bo noguman kon inia, “Koropotdon in ginamu! Sin iko aindon nobarani in nongonguman kon onu inta inontong bo dinongogmu soaḷ Akuoi kon intau mita kon Yerusalem, dá ná doman tuata iko in mayá bo mongonguman kon intau mita in Rum kon onu inta ain inontong bo dinongogmu soaḷ Akuoi.”

YOHANES 8:20

Bayongan in tua siningog i Yesus wakutu in Sia yogot motundú kon bonu in Baḷoi Tuhan kon diugmai in kas pobobogoian kon doit sosumba. Táe diábí in tobatúmai intau nodomok kon i-Nia, sin deemanpabí wakutunea.

OUMAN IN RASUL MITA 18:10

Sin Akuoi in umuranbí kotaki-takinmu. Bo diábí tobatúmai in motaau momogutú kon inimu, sin noantó bidon in intau kon naa in mopirisaya kon i-Nakó.”

MATIUS 12:14

Bo intau mita in Parisi iḷumuai komintan bo noyopakatdon kon moḻimod kon i Yesus.