YOHANES 7:1 - Alkitab Singog In Mongondow Masa In Tanaa

¹ Nopaḷut mako kon tua, ki Yesus minaya-mayá mako in Galilea. Doí in Sia minayá in Yudea, sin itoi mita in Yahudi nonomayádon mako moḻimod kon i-Nia.

YOHANES 7:1 Referans Kwoze

YOHANES 4:3

Naonda in kinotaauan i Yesus kon tua komintan dinongogdon in intau mita in Parisi, dá Sia in minayá nongkon Yudea bo nobuidon kon Galilea.

MATIUS 21:38

Táe naonda inontong in mototomoyó mita tatua in ki adínea tatua, mosia noguman, ‘Sia naa inta mowaris kon gobá tanaa, maní bo ḻimodon naton sia, sinbá gobá tanaa moiḷabúdon kon i naton!’

YOHANES 7:19

Degá diábí kinotaauan monimu kon ki Musa in nobogoidon in parenta mita i Allah kon i monimu? Táe diá in tobatúmai in kon sigad monimu in dinumudui kon parenta mita tatua. Nongonu sin moiko in moibogbí moḻimod kon i-Nakó?”

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

YOHANES 4:54

Tua in tanda mokoherang induanea inta pinomia i Yesus kon Galilea naonda in Sia nongkon Yudea.

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

YOHANES 8:40

Akuoi in mopotaau in onu in totuu kon inimu inta ain dinongog-Ku nongkon i Allah, táe ḷongasion monimu ḻimodon in Akuoi. Ki Abraham in diábí mogaid kon natua!

YOHANES 8:37

Kinotaauan-Kubí kon moiko nion in buíbí i Abraham. Tongá moiko in moḷongasi moḻimod kon i-Nakó, popisí in moiko doí motarima kon totundú-Ku.

YOHANES 7:25

Noiduduimai kon tua, degá tongonumai intau in Yerusalem in noguman, “Sia naa degá inta taya-tayakonmai in intau sin ḻimodon?

MARKUS 11:18

Singog-Nea tatua dinongog in imang mita itoi bo mototundú mita kon agama in Yahudi. Dá nomangkoidon in mosia motayak kon naonda in poḷoḻimod kon i Yesus. Mosia in moondok kon i-Nia sin bayongan intau mopia in gina mokodongog kon totundú-Nea.

YOHANES 6:1

Nopaḷut mako kon tua ki Yesus minayá in ḷoḷan Danow Galilea inta sinangoian Danow Tiberias.

YOHANES 7:11

Kon dodai in pinoramean tatua, itoi mita in Yahudi notayak kon i-Nia bo noḻibó magí mako, “Kon onda in Sia?”

YOHANES 7:13

Táe diá in tobatúmai intau in mokobaḻí moguman taran-tarangan soaḷ ki Yesus sin mosia in moondok kon itoi mita intau in Yahudi.

YOHANES 7:35

Dá itoi mita intau Yahudi in nosiḻibóandon, “Mayá in onda degá in Intau tanaa dá diá mouḻí naton in Sia? Degá mayá in Sia kon intau mita in Yahudi inta nogutun kon butá intau Yunani, bo mopoyaput doman in totundú kon intau mita in Yunani?