YOHANES 6:20 - Alkitab Singog In Mongondow Masa In Tanaa

²⁰ Táe ki Yesus in noguman, “Dika moondok sin Akuoibí in naa!”

YOHANES 6:20 Referans Kwoze

YESAYA 44:8

Bangusa-Ku, dika moondok andeka moitaḻikokog; sin nongkon dungkuḷmaipabí nodapot in tanaa Akuoi in nonoḻindapdon kon onu in mobaḻí? Moiko in sakusi-Ku mita. Moḷoḷukad ibanea in diábí bo diábí kinotaauan-Ku.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 41:14

Guman i Tuhan, “Dika moondok, Israel, umpaka in iko mointok bo moyangkó. Akuoibí in ki Tuhan inta motuḷung kon inimu, Inta Totok in mokudus, Allah in Israel in mopoposaḷamatmu.

MARKUS 6:50

dá nomaḷú in mosia sin noondok. Mosia komintan nokoontong kon i-Nia bo totok in noitaḻikokog. Táe baḷú in ki Yesus noguman kon i monia, “Pokoonow! Ki Yesusbí in Akuoi. Donaai moondok!”

MARKUS 16:6

Táe tayowmobiag tatua in noguman kon i monia, “Dika moondok! Kinotaauankubí kon moiko in motayak kon i Yesus intau Nazaret inta ain pinopopakú kon kayu pinoyotaḻempang. Diábí in Sia in kon naa. Sia ain nobiag! Indoiaidon naa in tampat pinoguḻidan monia kon i Yesus.

MAZMUR 35:3

Kadaiaidon in pandong bo ginubat-Mu sin monayow kon intau inta mondudur kon inakó. Potaaudon kon inakó kon Iko in mopoposaḷamatku.

YOHANES 6:19

Naonda in noyayúdon pinobotoian monia, degá ḻima ande onomdon nokilo in binayáan monia, mosia in nokoontong kon i Yesus nopoangoi in uangga takin minaya-mayá kon tudu in tubig. Mosia in totokdon noondok.

YOHANES 6:21

Bo takin pia in gina mosia nonongganutdon kon i-Nia sinumakoi kon uangga, bo dodaipa doman tua uangga monia noitubudon kon tampat bayáan monia.