YOHANES 6:12 - Alkitab Singog In Mongondow Masa In Tanaa

¹² Naonda in komintandon nongaan nobotug, ki Yesus noguman kon murí-Nea mita, “Sipundon in ki agat mita in roti inta diá kinaan monia sinbá diá mogoguyaat.”

YOHANES 6:12 Referans Kwoze

LUKAS 1:53

Sia mobogoi in bayongan inta mopia kon intau mita inta ginogoy, táe intau mita inta nooyúon poguntunon-Nea bo diá ogoian in onu bo onu.

LUKAS 9:17

Mosia nongaan komintan dapot in nobotug. Onda intua sinipun monia in ki agat mita in roti tatua. Nosipun magí yo mopuḷúpa bodoyowá nokompé.

NEHEMIA 9:25

Umat-Mu nogagow kon benteng mita poḷoḷukadan, butá inta mopia bo baḷoi inta nopuḻing in kaoyúonan. Parigí mita bo bokaká mita in tubig ginamá monia, gobá in anggur, pangkoi in zaitun bo ayop mita ibanea. Iḷumongow in mosia sin mongaan kinooibogbí in gina. Bayongan in mopia inta inogoi-Mu pinaké monia.

NEHEMIA 8:10

Pobuidon in tanaa; pongaan bo ponginumdon takin ḷunganga in gina. Ogoidon in tongosilai in kaanon bo anggurmu kon i monia inta diá in kaanon bo inumon. Singgai in naa in singgai inta mokudus kon i Tuhan naton, dá dikadon mokoposusa. Ḷunganga inta inogoi i Tuhan kon i monimu in moginropotbí kon i monimu.”

AMSAL 18:9

Intau inta maḷat in mogaid kon oaidannea notongkaibí in koraatnea in intau inta moibog momoguyaat.

LUKAS 15:13

Tongonumaidon nosinggai noiduduimai nongkon tua, adí muit tatua nopotaḷui in bayongan silainea bodongka minayá in kotá inta moyayú. Kon tua sia in nopomaké in doitnea tatua inimibo-ibogbí.

LUKAS 16:1

Ki Yesus in nongonguman doman kon poumpamaan tanaa kon murí-Nea mita kai-Nia, “Oyúon in tobatú intau nooyúon. Sia tua in nogamá kon intau nobaḻí bendaharanea mongolamai kon bayongan kapunyaannea. Intau nooyúon tatua in nokouḻí kon lapuran kon intaunea tatua in totokbí in monginibognea mopomaké in doitnea.

YOHANES 2:2

Ki Yesus bo murí-Nea mita in inoiní doman kon pesta tatua.