YOHANES 5:9 - Alkitab Singog In Mongondow Masa In Tanaa

⁹ Dodaipa doman intua nopia in intau tatua. Biningkatnea in boḷadnea bo minaya-mayá. Soaḷ tatua in nobaḻí kon singgai in Sabat.

YOHANES 5:9 Referans Kwoze

MARKUS 10:52

Guman i Yesus kon inia, “Bayádon, sin iko mopirisaya kon i-Nakó dá nopiadon in iko.” Bo kon dodaipa doman tatua, nokoontongdon in intau bilog tatua. Bo dinumudui in sia kon i Yesus kon binayáan.

MARKUS 5:29

Sia noḻiai kon jubah i Yesus, bo dodaipa doman intua nogogai in dugú bo kinorasaannea kon nopiadon in sia.

MARKUS 1:42

Kon dodaipa doman tatua bo noinggamá in panyaki tatua bo nopiadon in intau tatua.

MARKUS 1:31

Dá ki Yesus minayá dinimiug kon i guyá i Simon poḷat nokadai kon ḻimanea sinbá mobangon. Kon dodaipa doman tua bo nopia in patúnea, bo baḷúdon in bobay tatua bo nogoḷud kon kaanon kon imonia.

YOHANES 7:23

Aka tua pomiaan monimu sinbá diá moḷawang kon atorang i Musa soaḷ sunat, yo nongonu sin moiko in tumorúbí kon i-Nakó tongá popisí in nongundam kon bayongan awak intau kon singgai in Sabat?

YOHANES 5:14

Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YESAYA 35:6

Intau ḻempeng ḷumanduk magí-mako naonda bo rusa, intau bobó morogiow moḷunganga. Sin bokaká moitoput nongkon padang gurun, ongkag moiḻig kon rawang kayuon.

YEREMIA 17:21

Pogumandon nanaa: ‘Aka moiko doí matoi, dikadon mogakut kon pakakat kon singgai in Sabat, andeka modia tumuot mongin bonawang mita in Yerusalem.