YOHANES 5:15 - Alkitab Singog In Mongondow Masa In Tanaa

¹⁵ Dá iḷumuaidon intau tatua bo noguman kon pongawasa mita in Yahudi kon ki Yesusbí in intau inta nokopia kon inia.

YOHANES 5:15 Referans Kwoze

YOHANES 4:29

kai-nia “Koḻigai, mayá in kita moindoi kon intau inta nopotaau kon inakó kon bayongan inta ain pinomiaku. Degá bo Siabí tua in Datu Mopoposaḷamat?”

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

YOHANES 9:30

Intau tatua in notubag, “Mokoherangbí totok aka diá kinotaauan monimu mongo nongkon onda in Sia, bokaka bo binaḻí-Neadon nokoontong in Akuoi.

YOHANES 9:25

Dá kai intau tatua doman, “Dinosa andeka diá in Sia, tua in diábí kinotaauanku. Táe totontagá in kinotaauanku; koḻipod akuoi bilog, táe masai naa in nokoontong bidon in akuoi.”

YOHANES 9:15

Mosia noḻibó doman kon inia mongo naondabí sin sia in nokoontong bidon. Sia in notubag, “Sia nopoḻepo in yoná kon mataku, bo nongiamotdon in akuoi bo poḷatdon nokoontong.”

YOHANES 5:12

Dá iḻibó bui monia, “Ki ine in intau inta nokibingkat in boḷadmu nion bo mayá?”

YOHANES 1:19

Pongawasa mita in Yahudi kon Yerusalem nopotabá kon imang mita bo intau mita in Lewi minayá kon i Yohanes bo noḻibó nanaa, “Ki ine iko naa?”

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

YOHANES 5:10

Tuamai itoi mita intau Yahudi in noguman kon intau inta bagu nopia tatua, “Singgai naa singgai in Sabat, tuamai iko in diábí motaau mobingkat kon boḷadmu.”

YOHANES 5:16

Dá tuamai, mosia in mulaidon moḷongasi momogutú kon i Yesus, sin Sia monon oaidan kon singgai in Sabat.

YOHANES 5:18

Singog-Nea mita tatua in nokodugangdon kon ibog monia moḷongasi moḻimod kon i-Nia. Mosia in nonomayá kon tua deemandon tongá popisí in Sia noḷawang kon atorang agama soaḷ singgai in Sabat; táe popisíbí doman in Sia noguman kon ki Allah tua in ki Amá-Nea; mangaḻenea kon tua Sia in mokipotongkaidon kon i Allah.