YOHANES 5:14 - Alkitab Singog In Mongondow Masa In Tanaa

¹⁴ Noiduduimai kon tua, ki Yesus in bui noyodungkuḷ in intau tatua kon bonu in Baḷoi Tuhan, bo ki Yesus in noguman kon inia: “Pokotoropdon, nopiadon iko in tanaa. Dikadon bui mogaid kon dosa, sinbá diá koantugan bui in inta moraa-raat.”

YOHANES 5:14 Referans Kwoze

YOHANES 8:11

“Diá, Pak Guru,” tubagnea. “Tua in nopia,” guman i Yesus, “Akuoi in diábí doman mohukum kon inimu. Táe bayádon, bo donaaidon bui momia kon dosa.”]

MAZMUR 118:18

Ki Tuhan in totokdon in nopororiga kon inakó, táe diábí in akuoi inogoi-Nea kon popatoi.

NEHEMIA 9:28

Táe naonda in butá monia noamandon, baḷúdon in mosia nogaid bui kon dosa. Dá pinosarakan-Mudon bui in mosia kon musung inta nondorot kon i monia. Tongá kon dodai in mosia nosadardon bo nomanasaḷdon totok, nomaḷú in mosia kon ini-Mu nopoigum sinbá posaḷamaton. Dá nongkon soroga Inindongogan-Mu, bo binui-buimai sinuḷungan-Mu, sin noḻiai in gina-Mu kon i monia bo notabi totok.

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

IMAMAT 26:27

Bo aka motarima mako kon bayongan hukuman tatua bo umuranpa doman in moiko moḷawang kon i-Nakó bo doí doman dumudui kon i-Nakó,

MARKUS 2:5

Naonda in inontongmai i Yesus kon totuudon in mosia mopirisaya, dá Sia in noguman kon intau ḻempeng tatua, “Adí-Ku, inampungandon in bayongan dosamu.”

YESAYA 38:20

Tuhan, Iko in nongundamdon kon inakó, dá kami in nopodondongdon in dodayow kon Baḷoi-Mu pinongin mokuti kon kecapi, kino ouput in kobiagan nami.”

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

YOHANES 5:5

Kon tampat tatua oyúon doman in intau tobatú inta ain toḷu nopuḷú bowaḷu notaong in notakit.

TAWARIKH 2 28:22

Kon bonu in kaadaan inta totok in mororiga tatua, nodugangdon in dosa i Ahas kon i Tuhan.

MAZMUR 9:13

Sin kotoropan-Nea in intau inta kinoantugan in roriga bo diábí koḻiongan-Nea in kuani monia; intau inta mogaid kon inta moraat in hukumon-Nea.

PETRUS 1 4:3

Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

IMAMAT 7:12

Aka kuruban tatua pinosumba takin makusud mopoyaput in sukur, dá poyotakinon in mahaḷuk tatua pokuruban in roti diá iragian. Roti tatua motaaubí inta mobunod nongkon topong pomiaan kukis takin ḷana in zaitun, motaaubí doman in roti noingkag monipit inta iḻepoan in ḷana, ande kukis topong inta pinomia pinoyotakin in ḷana zaitun.

YOHANES 5:13

Táe diá kinotaauan in intau inta bagu inundaman tatua mongo ki ine in nopotabá kon inia tua, sin ki Yesus in minayádon bo kinooḻingoiandon in intau mobarong kon tua.

IMAMAT 13:20

sin mokitaridi. Aka oḷaap mita tatua nokuriong bo poyuntung inta kon kuḻit tatua nobaḻídon doman nobudó, dá musti poniata i imang tatua kon intau tatua in nonajis. Bituḷ tatua in pinomangkoian panyaki kuḻit inta mokobahaya.

MAZMUR 18:22

Akuoi in notoindudui kon parenta i Tuhan bo diábí nonoḻikud kon i Allahku.