YOHANES 4:9 - Alkitab Singog In Mongondow Masa In Tanaa

⁹ Bobay tatua in notubag, “Ki Tuang intau in Yahudi, bo akuoi naa inta in Samaria; nongonu sin ki Tuang moigumbí kon tubig inumon kon inakó?” (Sin intau mita in Yahudi diá noyoyobayatan intau mita in Samaria.)

YOHANES 4:9 Referans Kwoze

OUMAN IN RASUL MITA 10:28

Bo sia in noguman kon i monia, “Utat mita, kinotaauan bidon monimu kon ilarangbí in agama Yahudi in mamangoi mokipodungkuḷ andeka moyobayat in intau mita ibanea. Táe aindon pinoguman i Allah kon inakó kon diábí in motaau monganggap kon ibanea tua in najis andeka haram.

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

MATIUS 10:5

Taya mopuḷú bodoyowá tua pinotabá-Nea takin koyow nanaa: “Donaai moiko mayá in ḻipú in intau ibanea inta deeman Yahudi. Andeka mayá in ḻipú intau in Samaria.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

YOHANES 4:27

Bo dodai intua murí mita i Yesus noiangoidon bui. Mosia in noherang totok in nokoontong kon i Yesus nongonguman takin tobatú bobay. Táe diá in tobatúmai in mosia in nokobaḻí noḻibó kon bobay tatua, “Onu in paraḷu i iná?” andeka noḻibó kon i Yesus, “Mongo onu in inouman i Amá takin bobay tatua?”

LUKAS 10:33

Noiduduimai kon tua oyúon intau in Samaria nongin daḷan doman tatua. Nokoontongmai kon intau tatua totok noḻiai in ginanea bo notabi.

OUMAN IN RASUL MITA 10:32

Dá potabádon intau mayá in Yope mogoiní kon intau inta tangoinea in ki Simon Petrus. Sia in nogutun kon baḷoi i Simon inta mororubus kon kuḻit. Tua kon pintad in baḷoinea.’