YOHANES 3:6 - Alkitab Singog In Mongondow Masa In Tanaa

⁶ Aka awak naa pinolahirbí in guyanga, táe aka secara rohani yo pinolahirbí in Roho i Allah.

YOHANES 3:6 Referans Kwoze

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

YOHANES 1 3:9

Intau inta nobaḻídon ki Adí i Allah in diá bidon tantú mogaid kon dosa, sin sipat i Allah oyúondon in kon inia. Bo lantaran ki Allah tua in ki Amánea, dá sia in diá bidon motaau umuran mogaid kon dosa.

KORINTUS 1 6:17

Táe intau inta moibog motobatú i Tuhan, tantú rohonea in notobatúbí doman in Roho i Tuhan.

SURAT I PAULUS KON JAMAAT RUM 7:18

Kinotaauanku bidon, kon bonu in awakku naa, diábí in tobatúmai in mopia, tuabí in tabiat saḷaku intau ilo-ilow. Sin oyúonbí in ibog kon inakó in mogaid kon inta mopia táe diá mokosanggup in akuoi in mogaid kon natua.

KINOBAḺIAN 6:12

Ki Allah in noindoi kon dunia naa bo tongádon nokoontong kon onu inta moraat, sin bayongan intau moraatdon in kobobiag monia.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

AYUB 25:4

Degá intau motusi kon mata i Allah? Degá nodarit kon tayowon-Nea?

AYUB 14:4

Motaau degá in intau baradosa mokopoangoi kon inta motompod?

SURAT I PAULUS KON JAMAAT RUM 8:13

Sin aka moiko bo mobiag dumudui kon ibog in awak naa, dá matoibí; táe aka moiko bo momaké in kawasa in Roho i Allah bo umuran monginggamá kon aid mita inta mokobaradosa, yo mobiagbí in moiko.

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

KOLOSE 2:11

Lantaran notobatú takin i Kristus, dá moiko ain sinunat, táe deemanbí sunat inta inaidan in intau, táe sunatbí inta inaidan i Kristus, inta nopobebas kon i monimu nongkon kawasa in tabiat inta binaradosa.

GALATIA 5:24

Ki ine inta ain nobaḻí kapunyaan i Kristus Yesus, yo mosia tua ain doman noḷumbú kon tabiat in intau bo bayongan ibog in dunia naa.

YOHANES 1:13

inta pinononggadí deeman nongkon intau, sin kobiagan mobagu tua in nongkon i Allahbí in pangkoinea.

SURAT I PAULUS KON JAMAAT RUM 7:5

Sin koḻipod kita in nobiag podudui ibog in awak naa. Kon wakutu intua ibog mita inta mokobaradosa in nomuká sin oyúon in hukum agama, bo tua in nokadai kon inaton. Manangka intua kita in mogaid kon soaḷ mita inta mokopopisí kon kopatoian.

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

KINOBAḺIAN 5:3

Naonda in ki Adam umurdon mogatut bo toḷu nopuḷú notaong, nokouḻídon in sia kon adí ḷoḷaki inta notombatangannea, bo sinangoiannea ki Set.

YOHANES 3:7

Dika moherang aka Akuoi in moguman kon moiko komintan in musti polahiron bui.