YOHANES 3:3 - Alkitab Singog In Mongondow Masa In Tanaa

³ Tubag i Yesus, “Totuu, kon diábí in tobatúmai in intau motaau in mobaḻí umat i Allah, aka sia in diá polahiron bui.”

YOHANES 3:3 Referans Kwoze

KORINTUS 2 5:17

Intau inta notobatúdon i Kristus in totu-totuu bidon sinoimbagu. Inta ain nokoyongan in diá bidon, komintan bidon sinoimbagu.

YOHANES 1 3:9

Intau inta nobaḻídon ki Adí i Allah in diá bidon tantú mogaid kon dosa, sin sipat i Allah oyúondon in kon inia. Bo lantaran ki Allah tua in ki Amánea, dá sia in diá bidon motaau umuran mogaid kon dosa.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

YOHANES 1:13

inta pinononggadí deeman nongkon intau, sin kobiagan mobagu tua in nongkon i Allahbí in pangkoinea.

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.

YOHANES 1 5:18

Kinotaauan naton kon bayongan intau inta ain nobaḻí ki adí mita i Allah, in diábí umuran mogaid kon dosa, sin ki Adí i Allah in umuran moḷukad kon inia, bo ki Inta Moraat in diá mokopongonu kon inia.

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

EPESUS 2:1

Tungkuḷ intua, secara rohani moiko in minatoidon, sin binaradosadon bo doí dinumudui kon parenta mita i Allah.

YEREMIA 5:21

“Indongogai, ei moiko intau bodok bo dondunguḷ! Moiko in komata táe diá moindoi, kobongoḷan táe diá mokidongog!

YOHANES 1:5

Bayag tatua in nonindar kon sindip, bo Sia in diábí kokawasaan in sindip tatua.

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

YOHANES 1:51

Ki Yesus noguman doman, “Totuu, popirisayadon! Iko mokoontongbí kon ḷangit mobukat bo malaekat mita i Allah moponik-moponag mamangoi kon i Adí Intau.”

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

MATIUS 5:18

Poguman-Ku kon i monimu: Kon dodai in ḷangit bo butá naa diápa moingamá yo tobatúmai in hurup andeka titik kon hukum i Musa diábí in inggamáan, kon wakutu in bayongan tua diápa mobaḻí komintan!

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

MATIUS 19:24

Sinbá poguman-Ku bui kon i monimu, untabí in mogampa-gampang tumuot mongin bubú in dodagum dika in intau nooyúon tumuot mobaḻí umat i Allah.”

MATIUS 21:31

Yo ki ine in kon sigad nayadua tua in nogaid kon inta kinoibog i amánea?” Tubag monia, “Inta guya-guyang.” “Poguman-Ku kon i monimu: Intau inta mononagi kon pajak bo bobay mita inta sundaḷ in moiuna kon i monimu tumuot mobaḻí anggota in umat i Allah. “Inta induanea,” tubag in imang mita tongguḷunea bo itoi mita in Yahudi tatua.

MARKUS 9:47

Aka matamu mokopopisí kon inimu mogaid kon inta mokobaradosa, yo kuildon in matamu tatua! Sin mopira-pirabí kon diá in mata tosimpaḷ in tumuot kon Dunia Mobagu i Allah, dika in oyúonpa in mata doyowa nosimpaḷ táe pogonag kon bonu in naraka.

MARKUS 10:14

Nokoontongmai kon aid in murí-Nea mita natua, sinumorú in ki Yesus bo noguman kon i monia, “Pomayádon mako in mongoadí mita tanion in mamangoi kon i-Nakó! Dika ḷamboian in mosia, sin intaubí mita ná mosia naa in mobaḻí anggota in umat i Allah.

YOHANES 3:4

Dá ki Nikodemus in noguman nanaa kon i Yesus, “Diábí doman intau inta noguyangdon bo polahironbí bui! Motaau degá in sia tumuot bui kon sian i inánea bo polahiron bui?”

YOHANES 1 5:4

sin bayongan intau inta nobaḻídon ki adí i Allah mokosanggupbí mita in monaḷow kon dunia inta moraat naa. Bo tongábí pirisaya naton kon i Tuhan tua in monaḷow kon in dunia naa.