YOHANES 3:29 - Alkitab Singog In Mongondow Masa In Tanaa

²⁹ Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

YOHANES 3:29 Referans Kwoze

HOSEA 2:19

Israel, iko in baḻíon-Kubí ki buḷoi-Ku, buḷoi inta nosah modapot in mononoi. Iko in kotabi-Kubí bo umuran-Ku koibog; Akuoi in mokopojujurbí bo mosatia.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

WAHYU 21:9

Noiduduimai kon tua noiangoidon in tobatú malaekat inta nongkon sigad in malaekat taya pitu inta nokadai kon palo mita inta nopuḻing in roriga pangabisan tatua. Sia in noguman kon inakó, “Igai! Poontong-Ku kon inimu in Nonikaan, tuata in ki buḷoi i Adí in Domba.”

PILIPI 2:2

Tuamai bá totu-totuudon mosanang in ginaku, dá aidai in naa: Tantúdon kobiag motobatú kon gina, motobatú kon raian, oyúon kototabian, motobatú kon jiwa bo motobatú kon tujuan.

YOHANES 16:24

Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

YOHANES 1 1:4

Naa komintan in pinaisdon nami, sinbá gina naton totu-totuudon moḷunganga.

KORINTUS 2 11:2

Akuoi in mokotanob kon i monimu, naonda bo kototanob i Allah kon i monimu. Moiko nion in naonda bo mongodeaga inta ain pinodandiku kon nikaan in tobatú ḷoḷaki, ḷoḷaki tatua in ki Kristus.

LUKAS 15:6

bo diaan mobui. Onda in moiyaputmai kon baḷoinea, sia in mogoiní kon yobayatnea mita bo topodiugmai poḷat moguman nanaa, ‘Igai bá moramepa in kita sin dombaku inta nobuḻi in nouḻíkudon bui!’

DONDONG MOḶANTUD 5:1

Akuoi in namangoi in gobáku, batoḷ in dodobku, buḷoiku, sinipunku in taḷong mobondu bo toyokayuku mita; kinaanku in ḻipú in pasukan bo bilukku, ininumku in susu bo tubig in anggurku. Pongaan bo ponginumdon yobayat mita, ponginumdon modapot in moḷoḷangu in totabian.

MATIUS 25:1

“Kon wakutu in koangoian i Allah saḷaku Datu, in naonda bo poumpamaan tanaa: Mopuḷú in mongodeaga nogamá kon togá, monia bo nonontomu kon nonikaan ḷoḷaki.

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YESAYA 66:11

Moiko in motarimabí kon kobiagannea inta motompia, naonda bo adí tobatú moneté kon i inánea.

DONDONG MOḶANTUD 3:11

Ḷuaidon, ei mongodeaga mita in Sion, indoiaidon in ki Datu Salomo takin topí in datu inta pinoḷutud i inánea, kon singgai pinonikaannea, kon singgai sia noḷunganga.

YOHANES 2 1:12

Mobayongpa in pogumanku kon i Iná, táe mopia-piabí kon deeman tongá pongin surat. Haraponku mako tua, akuoi in motaaupa mayá mokipodungkuḷ kon i monimu bo mongonguman moyogintayowan mako monimu, sinbá gina naton totu-totuudon moḷunganga.

YOHANES 17:13

Tanaa Akuoi in mamangoidon kon i Amá. Tua komintan in pinotaau-Kudon wakutu in Akuoi kon duniapa naa, sinbá totu-totuudon korasaan monia in ḷunganga in gina-Ku.

MATIUS 22:2

“Aka ki Allah in momarenta, yo naonda bo poumpamaan tanaa: Tobatú datu inta nogaid kon rame sin ponikaan i adínea.

YOHANES 3:30

Kawasa-Nea in mustidon kodugang-kodugang bo akuoi in kointok-kointokdon.”

YOHANES 15:11

Naa mita in pinoguman-Ku kon i monimu, sinbá sanang in gina-Ku oyúon domandon kon i monimu, bo sanang in gina-Ku motompodon.