YOHANES 21:9 - Alkitab Singog In Mongondow Masa In Tanaa

⁹ Naonda in mosia noponagdon kon toba, inontongdon monia baga in tuḷu kon tua bo oyúon doman in toyá bo roti kon tudunea.

YOHANES 21:9 Referans Kwoze

YOHANES 21:13

Onda intua ki Yesus in dinimiug kon i monia bo nogamá kon roti bo nobogoi kon i monia. Ná doman tua, Sia in nobogoi doman in toyá.

YOHANES 21:10

Ki Yesus in noguman kon i monia, “Podiaka mangoi kon tongonumai nobungá in toyá inta bagu dinomok monimu nion.”

YOHANES 18:18

Motumpingdon totok dodai intua, dá bobantung mita bo moḷoḷukad mita in nomiagdon kon tuḷu nongkon baga bo nonayang mosia. Ki Petrus in minayá intua bo sinimindog nonayang noyotakin monia.

MARKUS 8:3

Aka pokipobuian-Kudon in mosia takin diá in bonu in sian, yo mopusingbí in mosia kon daḷan. Bokaka oyúon doman in sigad monia tua in namangoi nongkon noyayú.”

MATIUS 4:11

Ibilis nonaḷámai kon i-Nia, bo malaekat mita in namangoi nosumba kon i Yesus.

YOHANES 6:9

“Kon naa oyúon in adí ḷoḷaki inta nodia kon roti ḻima nobatú bo toyá doyowa nobungá. Táe diábí pongonu aka kon intau moantó tanion?”

YOHANES 6:11

Onda intua ki Yesus nogamá kon roti bo nopoyaput in sukur kon i Allah. Nopaḷut mako kon tua sinila-silai-Nea mako in roti tatua kon intau moantó tatua. Noiduduimai kon tua sinila-silai-Nea domandon in toyá tatua, bo mosia in komintan nongaan kinooibogbí monia.

YOHANES 21:8

Murí mita ibanea in dinumudui kon inia nopobayá in toba takin uangga bo kougu-ugut doman in landará inta nopuḻing in toyá, sin diábí noyayú in mosia nongkon toba, degá tongá mogatutmai nometer.