YOHANES 21:19 - Alkitab Singog In Mongondow Masa In Tanaa

¹⁹ (Singog mita i Yesus mopotaaubí kon naonda in kopopatoi i Petrus kon singgai moiduduimai sin mopomulia kon i Allah.) Nopaḷut mako kon tua ki Yesus in noguman kon i Petrus, “Duduidon kon i-Nakó!”

YOHANES 21:19 Referans Kwoze

PETRUS 2 1:14

Sin kinotaauanku bidon kon diá bidon moonggot in akuoi bo matoi, sin pinotaau bidon notarang i Tuhan Yesus Kristus kon inakó intua.

YOHANES 21:22

Ki Yesus in notubag, “Aka moibog in Akuoi kon sia in umuranpa mobiag modapot in Akuoi mamangoi bui, yo tua in deemanbí iko in kitogi totaau. Táe iko in duduidon kon i-Nakó!”

MATIUS 10:38

Bo ki ine in doí momotaan kon kayu pinoyotaḻempang bo dumudui kon i-Nakó, sia doman tua in diábí patus mobaḻí dumodudui-Ku.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

YOHANES 12:33

Sia in noguman natua sin mopotaau kon naonda in kopopatoi-Nea.

SAMUEL 1 12:20

Ki Samuel in notubag domandon, “Dika moondok, umpakabí moiko ain nomia kon inta moraat tatua táe dikadon monoḻikud kon i Tuhan, táe umurandon pogundoi kon i-Nia takin ḻimbatú in ginamu.

YOHANES 18:32

Naa in nobaḻí sinbá mobaḻídon onu inta ain pinoguman i Yesus soaḷ kopopatoi-Nea.)

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

PINOGIAPAN 14:24

Táe tua in diábí poaid-Ku kon bobantung-Ku ki Kaleb. Sia in umuran mosatia kon i-Nakó. Tuamai in diaan-Ku in sia mayá in butá inta ain sinuotannea. Tanaa intau in Amalek bo intau in Kanaan nogutun kon ḷopá tatua. Táe butá tatua in mobaḻíbí kapunyaan in buí i Kaleb, bobantung-Ku tua. Ikoḷom moiko musti momurow bo mayá in padang gurun mopobayá ná Teluk Akaba.”

MATIUS 8:22

Táe ki Yesus in notubag: “Duduidon kon i-Nakó, bo pomayádon mako intau minatoi moḷobong kon intau minatoi monia.”

YOHANES 21:18

Naa in poguman-Ku kon inimu: Wakutu in iko noguodpa, ikodon tontaní in nogakod kon ogotanmu, bo mayábí in onda in koibogmu. Táe aka iko moguyangdon, yo potuntunmubí in ḻimamu bo intaudon ibanea in mogakod kon inimu bo diaannea kon tampat inta kodoímu bayáan.”