YOHANES 2:6 - Alkitab Singog In Mongondow Masa In Tanaa

⁶ Kon tua oyúon in tampayang onom inta sinadia sin pakéon pondaritan podudui in adat in Yahudi. Tampayang tobatú bonunea degá mogatut noliter.

YOHANES 2:6 Referans Kwoze

YOHANES 3:25

Tongá tongonumai in murí i Yohanes nomangkoidon mobobayowan takin intau mita in Yahudi soaḷ atorang pondaritan.

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

IBRANI 9:19

Munapabí in ki Musa nopotaau in bayongan hukum i Allah kon intau mita in Israel. Onda intua sia nogamá kon dugú in ki adí in sapi bo dugú in bembé koḷakian bo binaukannea in tubig. Noiduduimai kon tua pinisikanneadon in Buk inta pinomaisan kon hukum mita inta nongkon i Allah bo bayongan intau in Israel. Sia in nomisik kon tua takin hisop bo bubuḷ in domba inta nopuya totok in batangannea.

IBRANI 6:2

ande totundú inta pinodoyon kon baptisan andeka soaḷ momarakat kon intau ande soaḷ kobiagan bui naonda in matoi, andeka doman soaḷ kobiagan mononoi.

LUKAS 16:6

Intau tatua noguman, ‘Ḷana zaitun mogatut notampayang.’ Dá bendahara tatua in noguman kon intau tatua, ‘Naa in surat boboḻianmu. Ḻitú bo baḷuiai in surat tanion. Pais ḻima nopuḷú notampayang.’

YOHANES 2:7

Dá ki Yesus in noguman kon simpaḷ mita kon tua, “Bonuaidon tubig in tampayang mita tatua.” Dá binonuandon doman mita monia kinopuḻing.